Te mau Taa Motu no Marshall

Noa’tu ua tere na te mau melo no te Ekalesia i te mau taa motu no Marshall i te Tama‘i II a te Ao nei, aita râ te ohipa misionare i haamata e tae noa’tu i te ava‘e Febuare 1977. I taua matahiti ra ua faataahia o Elder William Wardel e Elder Steven Cooper no te Misioni no Hawaii Honolulu ia rave i te ohipa i roto i te reira tufaa fenua. Ma te tauturu a Eldred Fewkes, te hoê melo no te Ekalesia tei tere atu i te mau Taa Motu no Marshall no te rave i te ohipa, ua faanaho te mau misionare i te faatere i te mau pureraa a te Ekalesia i roto i te hoê fare no te tahi ê atu ekalesia.

Ua bapetizo te mau misionare i taua matahiti matamua ra e 27 taata faafariuhia. E toru matahiti i muri mai ua riro te mau Taa Motu no Marshall ei tufaa no te Misioni no Micronesia Guam. I te matahiti 1984 ua haamauhia te Mataeinaa no Majuro Marshall Islands. Ua tamau noa te mau melo no te Ekalesia i te rahi, e tae noa’tu i te haamau-raa-hia te piti o te mataeinaa i te matahiti 1991 i ni‘a i te taa motu no Kwajalein. I te matahiti 2006 ua haamauhia te Misioni no Marshall Islands Majuro. Ua itehia i roto i na matahiti e toru i muri mai te haereraa rahi i roto i te mau melo aua‘e te mau tautooraa no te faaitoito, te mau bapetizoraa no te mau taata faafariuhia e te haapuairaa i te feia faatere. Te hopearaa o te reira e i te 14 no Tiunu 2009 ua haamauhia te Tĭtĭ no Majuro Marshall Islands.

No te tai‘o i te mau aamu no te faaroo e te faafariuraa o te mau melo i roto i te mau Taa Motu no Marshall, a hi‘o i te api 32.

Te Ekalesia i roto i te mau Taa Motu no Marshall
Rahiraa melo	4,486
Mau Misioni	1
Mau Tĭtĭ	1
Mau Mataeinaa	1
Mau Paroita/Amaa	11