Bilenge

Nyonso Nakoki Kopesa

Na Alyssa Hansen

Nazalaki kobeta sete na ntina ya lolenge nini nakosomba biloko nalingaki kosala na ntango ya elanga: kelasi, bisika ya kosala mosala, nganda ya elanga, mpe bongo na bongo. Nabanzaki ete nakolela. Bongo nakundolaki makambo manso nateyamaki na ntina ya kotia bolikii mpe bodimi na Nkolo. Nazwaki mokano ya kotika likambo yango na maboko ma Nkolo mpe kolikia ete soki ezalaki bolingi bwa Ye, akopesa nzela.

Kala mingi te nsima na wana, mama na ngai azwaki cheque moko oyo bafuta naino te uta na mosala moko nazwaki na ebandeli ya mbula wana, mpe mokolo molandi nazwaki mbano moke ya mosolo na nzela ya mokanda mpo nazalaki moto ya mibale na momekano moko. Oyo ezalaki litatoli moko monene mpo na ngai ete Nzambe azali na bomoi, ete Alingaka mpe Abatelaka ngai mpe akopesaka ngai.

Natondisamaki mpenza na matondi mpe bolingo mpo na Tata na Likolo mpe Mobikisi. Nayokaki lokola soki nalela! Nazalaki na mposa makasi mpenza mpo na kolakisa lolenge nini natondaki na matondi, kosanzola Nzambe na lolenge ya malamu koleka nyonso nakokaki, mpe kokabola mayoki wana. Basusu basalaki eye na kokomaka loyembo, kokomaka nkoma ya ntoki, to koyembaka elili, kasi nayokaki lokola kaka ete elongobani te kosala moko ya biloko wana. Nayaki koyeba ete eloko bobele moko nakokaki kopesa, oyo elongobani mpo na kosanzola ezalaki ete bomoi bwa ngai—“ezala ndakisa ya bandimi” (1 Timote 4:12), kopesa bomoi na ngai na Klisto. Wana nde nyonso Azali kosenga, mpe wana nde nyonso nakoki kopesa.