Ang Spotlight sa Templo
Templo sa Vancouver British Columbia
Niadtong Mayo 2, 2010, ang templo sa Vancouver British Columbia nahimong ika-131 nga templo nga gipahinungod niini nga dispensasyon. Ang templo adunay 28,165 ka pye kwadrado (2,617 m2) ug naglakip og usa ka bunyaganan, usa ka celestial room, duha ka mga endowment room, ug duha ka sealing room. Sa sulod, ang desinyo sa kolor nagpakita og green, sanag nga blue, ug bulawan, nga nagpasidungog sa kahalangdon sa kalasangan, dagat, ug langit sa Amihanang-kasadpan sa Pasipiko. Ang Pacific dogwood, ang bulak sa probinsya sa British Columbia, gilarawan sa mga painting ug sa mga panapton sa tibuok building.
Sa gabii sa wala pa ang pagpahinungod, kapin sa 1,200 ka mga batan-on ang miapil sa kultural nga selebrasyon. Giulohan og “Usa ka Banwag ngadto sa Kalibutan,” ang pasundayag naghulagway sa kasaysayan ug sa mga tawo sa Canada. Sa pagsugod sa selebrasyon, si Presidente Monson miilis sa pangbukas nga himno ngadto sa nasudnong awit sa Canada, nga nag-ingon, “Ania kami sa Canada aron malingaw uban kaninyo.”
Sa pagpahinungod nga pag-ampo, si Presidente Monson miingon: “Hinaut unta nga ang tanan nga mosulod adunay limpyo nga mga kamot ug putli nga mga kasingkasing. Hinaut nga ang ilang pagtuo molambo samtang sila naghago dinhi alang sa mga namatay na. Hinaut nga sila mobiya uban sa pagbati og kalinaw, nagdayeg sa Imong balaan nga pangalan.”1
Gikan sa ibabaw: Ang pagtan-aw sa bunyaganan, mga detalye sa dekorasyon, ug celestial nga lawak sa Templo sa Vancouver British Columbia.