Happy Valentine!
Tine O. sa Nairobi, Kenya
Sa daghang mga dapit sa kalibutan, ang Valentine’s Day—Pebrero 14—gihinumduman isip adlaw sa gugma. Apan unsa kaha kon ang inyong pangalan Valentine? Ang tanang adlaw ba mahimong adlaw sa gugma?
Kana mao ang pagbati ni Tine O. sa Nairobi, Kenya. Ang tanan motawag kaniya og “Tiny,” apan ang iyang kompletong ngalan kay Valentine.
“Gipanganlan ko og Valentine tungod kay natawo ko pagka Pebrero 14,” siya mipasabut. Ug tinuod sa iyang ngalan, siya naningkamot sa paghigugma sa tanan. “Sa dihang nabunyagan ko, gidala nako ang pangalan ni Jesukristo,” siya miingon. “Kana nagpasabut nga moamuma ko sa tanan, sama sa Iyang buhaton.”
Giunsa ni Tine sa paghimo sa tanang adlaw nga adlaw sa gugma? Adunay daghang mga pamaagi.
“Ang una nakong buhaton mao ang pag-ampo,” siya miingon. “Nagpasalamat ko sa Langitnong Amahan alang sa Iyang Anak tungod kay nahigugma ko ni Jesukristo. Nagpasalamat ko sa Langitnong Amahan alang sa akong pamilya ug sa paagi ang templo mihiusa sa pamilya tungod kay nahigugma ko sa akong pamilya. Dayon mangayo ko sa Langitnong Amahan sa pagpanalangin sa masakiton tungod kay nasayud ko nga Siya nahigugma usab sa mga masakiton.”
Ang Pamilya ni Tine
Si Tine ang kinamanghuran sa iyang pamilya ug adunay tulo ka magulang nga lalaki ug duha ka magulang nga babaye. “Iya kong tabangan kon nanginahanglan ko og usa ka butang,” miingon ang igsoong lalaki ni Tine, si George. “Didto sa eskwelahan, sa dihang ang akong bolpen nawala, iya kong gihatagan.” Ang iyang igsoong babaye, si Brenda, miingon si Tine dili masuko kon adunay usa ka tawo nga mokirihir kaniya.
Sa balay ang pamilya ni Tine makasulti og Swahili ug Iningles. Sila ganahan kaayo nga mag-family home evening. “Kami dungan nga magtuon sa kasulatan,” miingon si Tine. “Kami nagkat-on kabahin sa Manluluwas, ug kami magpuli-puli sa paghatag og pag-ampo sa pamilya.
“Naningkamot ko nga mahisama ni Jesus pinaagi sa pagkamabination, pagsimba, ug pagsunod sa akong mga ginikanan,” miingon si Tine.
Si Valentine nahigugma sa iyang pamilya. Ganahan usab siya nga magkat-on ni Jesukristo.
Mga litrato pinaagi ni Richard M. Romney