Mwet Fuhsr
Pruhe Luhk ke Luhlahlfongi
Ke nga yac 18 ah, nga orekma ke sie stoh in kuhka koanon lohm in oacna sie mwet in kuhka. Pacl in orekma luhk uh arulacna upac. Nga muhtwacwacack ke ao 8:00 ke lututacng nuh ke ao 10:00 ke ekuh, Mante nwe ke Sactte. Nga ahsor ke srihpen nga tiac kuh in wi institute ac mukwikwi luhn Alu uh.
Nga muhtwacwacack in pruhe nuh sin Pahpah Lucng ke luhlahlfongi kuh in siyuck Sel in kahsrweyuc in konwacack orekma se ma nga tiac enenuh in orekma ke Sactte nga in muh kuh in som wi institut ac mukwikwi sahyac uh.
Sie lwen ah ke orekma ah nga kahsruh mukul se. Kuht muhtwacwacack sramsram, ac el fahk lah el orekma ke pacng luhlahp se. Nga siyuck lah ngwac kuh in srihke fuhkah nuh ke orekma ikacklah ke pisnis se inge. El use inel ac nacmpuh in taclofon lal ah ac fahk nuh sihk lah nga kuh in pahgon mwet se ma e sang orekma ah ac fahk lah nga etwacl. Nga som nuh ke pacng sac ac oruh sikeng enenweyuck se. Nga orwaclah wo ac muhtwacwacack orekma ke lusen ao ohnkohsr ke lwen se ke Mante nwe ke Fuhrwacte, ac molihk pacl tolu yohk liki nga eis met ah.
Nga etuh lah Leum el kol kuht ke kuht kena oruh ma Lal emet uh. El srackna kol yuc mihsenge. Nga etuh ip yohk luhn pruhe uh pwacye.