Ang Ebanghelyo Mihatag Kanako og Kalinaw

Sina Rogers, New Zealand

Ang akong pamilya mipasakop sa Simbahan sa sayis anyos pa ko, ug kami nabugkos sulod sa templo sa akong pagka otso anyos. Gikugihan ako sa pagtudlo sa akong mga ginikanan sa mga doktrina sa bag-o namong nakaplagan nga tinuohan, mao nga nagtubo ako sa kahibalo nga ang pag-ampo, personal nga pagtuon sa kasulatan, ug ubang mga aspeto sa ebanghelyo magdala og dakong kalinaw.

Bisan pa niana, didto lamang sa akong mission diin ako tinuoray nga nakapasalamat sa plano sa kaluwasan. Samtang nagserbisyo ako sa Australia, namatay ang akong Papa. Sa dihang giduol ko sa akong presidente sa misyon sa pagsulti sa nahitabo, iya kong gihatagan og panalangin sa priesthood nga nag-focus gayud sa plano sa kaluwasan. Kadto nga panalangin, inubanan sa akong personal nga pagtuon sa misunod nga mga adlaw, mga semana, ug mga bulan, nakatabang kanakong makakat-on ug makadayeg niining talagsaon nga doktrina labaw pa kay sa kaniadto. Akong nakita ang mga sirkumstansya pinaagi sa kahayag sa plano sa kaluwasan, ug nakasabut ako kon unsa gayud ka talagsaon kini. Ang plano sa kaluwasan dako na kaayo og kahulugan ngari kanako sukad niadto.

Samtang nagpadayon ako sa pagtuon sa mga kasulatan sukad sa akong pagmisyon, akong nadiskubrihan nga daghan sa pulong sa Dios nagpamatuod sa Iyang “mahinungdanon nga laraw sa kalipay ” (Alma 42:8). Nahibalo ako nga adunay kinabuhi human sa kamatayon ug kita mahimong makig-uban pag-usab sa atong mga minahal human niining kinabuhia. Ang kahibalo nga ang akong mama, papa, ug ang akong mga igsoon ug ako nabugkos naghatag kanako og dakong kahupayan.

Kini gayud nga kinabuhi adunay sakit nga mga kasinatian, apan ang kinabuhi dili kinahanglan nga lisud. Ang ebanghelyo ni Jesukristo naghimo sa mga butang nga mas sayon. Tungod niini, nahibalo ko nga ako mahimong mobati og kalinaw ug kahupayan sa tanang panahon, bisan unsay nanghitabo sa akong kinabuhi.

Sa dihang giduol ko sa akong presidente sa misyon sa pagsulti sa nahitabo, iya kong gihatagan og panalangin sa priesthood nga nag-focus gayud sa plano sa kaluwasan.