Parau poro‘i na te mau Tuahine Hahaere
A here, a Haapa‘o, e a Haapuai
A tai‘o i teie haapiiraa na roto i te pure, e mai te mea e tano, a aparau i te reira i te mau tuahine o ta outou e hahaere ra. A faaohipa i te mau uiraa no te tauturu ia outou ia haapuai i te mau tuahine e ia faariro i te Sotaiete Tauturu ei tuhaa itoito no to outou iho oraraa.
Te Faaroo, Te Utuafare, Te Totauturu
Mai te Faaora, e utuutu tata‘i hoê te mau tuahine hahaere i te taata (a hi‘o 3 Nephi 11:15). E ite tatou e, ua manuïa tatou i roto i ta tatou utuuturaa ei mau tuahine hahaere, mai te mea e, e parau te mau tuahine e: (1) te tauturu nei te tuahine hahaere ia’u ia tupu i te rahi i te pae varua; (2) ua ite au e, te atuatu maitai nei to’u tuahine hahaere ia’u e i to’u utuafare; e (3) mai te mea e, e fifi to’u, ua ite au e, e rave to’u tuahine hahaere i te hoê ohipa ma te tia‘i ore ia anihia’tu oia.1
Ei mau tuahine hahaere, nahea e ti‘a ai ia tatou ia here, ia haapa‘o, e ia haapuai i te hoê tuahine ? Teie i raro nei e iva mana‘o tauturu tei itehia mai i roto i te pene 7 o te buka E mau Tamahine i roto i To’u Basileia: Te Aamu e te Ohipa a te Sotaiete Tauturu no te tauturu i te mau tuahine hahaere ia utuutu i ta ratou mau tuahine :
-
A pure no’na e to’na utuafare
-
A imi i te faaururaa no te haamatau ia’na e to’na utuafare.
-
A hahaere tamau ia’na no te ite eaha to’na huru e no te tamahanahana e no te haapuai ia’na.
-
A farerei tamau noa ia’na na roto i te mau tere, te mau niuniu, te mau rata, te rata itenati, te mau poro‘i niuniu, e te mau ohipa iti maitai.
-
A farii ia’na i te mau pureraa a te Ekalesia.
-
A tauturu ia’na ia roohia oia i te ati rû, te ma‘i aore râ te tahi atu hinaaro rû.
-
A haapii ia’na i te evanelia i roto i te mau papa‘iraa mo‘a e te mau parau poro‘i a te tuahine hahaere.
-
A faauru ia’na na roto i te horo‘araa i te hoê hi‘oraa maitai.
-
A faaite atu i te hoê faatere no te Sotaiete Tauturu no ni‘a i ta ratou taviniraa e te oraraa maitai o te tuahine i te pae varua e te pae tino.
No roto mai i te mau papa‘iraa mo‘a
No roto mai i to tatou aamu
« Ua riro mai te hahaereraa a te mau tuahine ei rave‘a na te mau vahine Feia Mo‘a i te mau Mahana Hopea nei na te ao taatoa no te here, te atuatu, e te taviniraa—mai te au i ‘taua mau mana‘o here ta te Atua i tanu i roto i to outou mau ouma’, mai ta Iosepha Semita i haapii ».2
Teie te parau a te hoê tuahine aita i maoro a‘enei te riroraa ei vahine ivi, no ni‘a i to’na mau tuahine hahaere: « Ua faaroo raua. Ua tamahanahana raua ia’u. Ua ta‘i raua e o vau nei. E ua tauahi raua ia’u. … [e] ua tauturu ia’u ia haere mai i rapae i te hepohepo e te paruparu o taua mau ava‘e matamua ra o te hoê oraraa otahi ».3
Te tautururaa i roto i te mau ohipa no te oraraa nei, o te hoê huru utuuturaa atoa ïa. I roto i te amuiraa rahi no atopa 1856, ua faaara te Peresideni Brigham Young e, te rohi mai nei te mau pionie e to ratou pereoo huti rima, i roto i te hiona e 270– 370 maire (435–595 km) i te atea. Ua tiaoro oia i te Feia Mo‘a i Roto Miti ia haere e faaora i taua mau taata ra, e ia « haapa‘o maite i te mau mea o te pae tino ».4
Ua papa‘i o Lucy Meserve Smith e, ua tatara te mau vahine i to ratou mau ahu roto mahanahana e to ratou mau totini i roto noa i te fare menemene e ua apapa i roto i te mau pereoo no te faareva no te mau pionie tei toetoe roa. E i muri iho, ua haaputu ratou i te mau ro‘i e te mau ahu no te mau taata e tae mai e aore rea ta ratou. I te taeraa mai o te pŭpŭ pereoo huti rima, ua faaîhia te hoê fare i roto i te oire « i te tauhaa no ratou ».5
Tata‘i hoê , na Walter Rane, horo‘ahia na te Church History Museum