Horo‘a i to te ao nei, te tahua itenati BibleVideos.LDS.org

I roto i te pureraa noela a te Peresideniraa Matamua, ua faa‘ite mai te feia faatere i te tahua itenati The Life of Jesus Christ Bible Videos, te hoê « horo‘a » i to te ao nei.

Te BibleVideos.lds.org o te hoê ïa haaputuraa no te tahi mau hoho‘a teata potopoto e faaite ra i te oraraa o te Mesia, mai te fanauraa o te Mesia i te ti‘a-faahou-raa o te Faaora.

Na te peresideni Henry B. Eyring, tauturu piti i roto i te Peresideniraa Matamua, i faaara mai i te tahua itenati i roto i te pureraa.

« Mai te mau papa‘iraa mo‘a tei haapa‘o-maite-hia i roto i teie mau hoho‘a teata potopoto, e riro outou i te feruri e, e mea hau te reira mau tuhaa ohipa », o ta’na ïa mau parau. « Na to outou faaroo e na te Varua Maitai e faatupu i te mana‘o o te aau e au i teie mau ohipa tei taui roa ino i te ao ».

Tei te fare hamaniraa hoho‘a teata LDS Motion Picture Studio South Campus i Goshen, Utah, o ta te Ekalesia i faati‘a apî mai, te mau materia hoho‘a video e tavirihia ai e e iritihia mai ai. Ua haamata i reira te opuaraa hamani hoho‘a no te Faufaa Apî i te ava‘e no atete 2011.

I te hopea no taua opuaraa ra, e matara mai hau i te 100 hoho‘a teata poto e faaiteite nei i te oraraa o te Mesia, ia au i te mea e tai‘ohia ra i roto i te iritiraa a te Arii Iakopo no te Bibilia, te King James Version.

Te vai atoa nei te materia afa‘ifa‘i no teie tahua itenati e teie te mau reo e vai ra, te reo peretane (BibleVideos.lds.org), te reo paniora (videosdelabiblia.org), e te reo potiti (videosdabiblia.org). Oia atoa te rave‘a no te iPad, ei reira te tahi fana‘o huru apî no te mata, te tari‘a, e te manimani rima i te mau aamu o te Bibilia.

Ia oti pauroa ana‘e, fatata i te 100 hoho‘a teata e faaiteite ra i te mau ohipa no te Faufaa Apî no ni‘a i te Mesia o te haapararehia i ni‘a i te tahua itenati The Life of Jesus Christ Bible Videos.

Na : ??