I to outou mana‘oraa, eaha te mea faufaa a‘e e nehenehe i te hoê piahi ia farii i roto i te haapiiraa evanelia na te feia apî e na te feia apî paari ?
I to outou mana‘oraa, eaha te mea faufaa a‘e e nehenehe i te hoê piahi ia farii no roto mai i te haapiiraa evanelia na te feia apî e na te feia apî paari ? Ia to te hoê pŭpŭ tamarii haapiiraa evanelia aniraa i te Raatira o te Faanahoraa Haapiiraa a te Ekalesia, o Elder Paul V. Johnson no te Hitu Ahuru, i teie atoa uiraa, ua pahono mai oia e, te ohipa faufaa roa a‘e o te ti‘a ia outou ia farii maori râ, « te iteraa papû mau e, o Iesu te Mesia. Te iteraa outou e, te iteraa mau o te iteraa ïa i te pae varua. O te mea ïa e horo‘ahia mai e te Varua Maitai i to tatou varua tata‘itahi. Tera ïa te parau mau puai a‘e, te mea puai a‘e ïa o te nehenehe e matara mai na roto mai i te haapiiraa evanelia na te feia apî e na te feia apî paari. Eita te reira e taui noa i te mea ta outou i ite; e taui râ te reira i to outou huru, e e taui te reira i ta outou hi‘oraa i te ao nei. E na te reira huru ite teitei a‘e e tauturu ia faahope roa i to outou ite » (« A Higher Education », New Era, Eperera 2009, 15).
O Elder Johnson te hoê o te mau Hui Mana Faatere Rahi tei paraparau no ni‘a i te mau haamaitairaa nehenehe o te fariihia na roto i te haereraa i te haapiiraa evanelia na te feia apî e na te feia apî paari. No reira, mai te mea e, te uiui nei outou e, no te aha outou e titauhia ia haere i te haapiiraa evanelia, teie ïa te tahi atu â mau tumu maitai no roto mai i te mau peropheta e te mau aposetolo.
Hoho‘a o Spencer W. Kimball faatiaraa a te vairaa parau a te Ekalesia