Jèn yo

Gras ak enstriktè Lekòldidimanch mwen an

Non

Klas Lekòldidimanch mwen an pa toujou reveran. Mwen renmen koute leson yo chak semèn, men pafwa se kòmsi lòt moun yo nan klas la pap koute. Souvan y ap pale youn ak lòt oswa jwe jwèt elektwonik pandan enstriktè nou an ap eseye anseye nou. Sa ki tris, mwen pafwa twouve m fè pati pwoblèm nan.

Yon semèn nou te pi rèd pase dabitid, epi nan fen klas la, enstriktè nou an te tonbe kriye paske pèsonn pa t ap koute leson l lan. Pandan nou t ap mache soti nan klas la, kè m te fè m mal pou li.

Nan Dimanch pwochen enstriktè nou an te eksplike ke li te priye anpil nan semèn nan, pou l te chèche gidans, epi li te reyalize ke li te bezwen pase yon fim Legliz la pou nou. Li te kòmanse pase fim nan, ki te sou lavi Jezikri ak mirak Li te akonpli yo.

Pandan m t ap panse sou fim nan jou swa sa a, mwen te santi yon bagay diferan. Toudenkou m te reyalize ke m t ap santi Lespri a, plis pase jan m te janm santi l anvan. Imedyatman mwen te deside ke m te vle fè chanjman nan lavi m pou m vin pi plis menmjan ak Sovè a, e mwen te reyalize ke eksperyans nan Lekòldidimanch lan jou sa a te grandman fòtifye temwayaj mwen. Mwen rekonesan anpil pou enstriktè Lekòldidimanch mwen an ak tout sa li fè pou klas nou an chak semèn.