Ko nang Kaota Am Koaua?

LaReina Hingson, Indiana, USA

E reke au tai imwaaina ni kaea te bootaki n toa n te titeiki teuana ma membwa n te Ekaretia ae I aki ataia. Ni karaoan te maroro ma te tari temanna are I kaan mangaia, I titiraki ngkana e baireia bwa e na kaota ana koaua ngkana e roko te tai. E atonga eng ao imwiina e titiraki, “Ngkoe naba?”

“Tiaki, I bae n aki,” I kaeka. Imwiina I reitia, “Ma e koaua te Ekaretia, ao e koaua te euangkerio.”

I waekoa ni mwaninga taekan ara maroro ae kimototo. Ngke e moanaki taekan te kaoti koaua, ti kaungaki bwa ti na kauarerekea ara tai bwa e aonga ni mwaiti ae reke aia tai ni kaota aia koaua. Ngke e teirake te tari temanna are I taetae nakoina ao n tibwaua ana koaua, e kakinaea bwa e aki bati n tau ana tai n tibwaua ni kabane are e tangiria n tibwauaia ibukin taekan te euangkerio ao te kukurei are e uotia. N oneanmwiina, e tibwauai ana maroro tabeua ma ngai, temanna are e a tibwa kaitibo mangaia, ao e kanga au rongorongo ae bebete ni booti bwaai ni kabane: te Ekaretia e boni koaua, ao e koaua te euangkerio. Anne te bwai ae kakawaki.

Ni kaokan te taneiai anne, I oota bwa ti kona ni kaota ara koaua ni kawai aika a mwaiti, ao ti kona ni karekea te anainano ae tamaroa iaoia tabeman inanon te tai ae kimototo. E aki kangai bwa uarerekera ara reitaki ma temanna, ti kona n kaaki te namakin ae tamaroa ibukin te euangkerio ao ngaira.

I aki kaota au koaua iaon te tabo n tei n te bong anne, ma au koaua ae uarereke e bon tibwauaki ao au anainano e uaia n namakinaki iroun te tari are I maroro mangaia ao irouia naake a ongora ana koaua.