Umlayezo Wokuqala WobuMongameli, uAgasti 2012
Ubizo loMsindisi lokuSebenza
Bonke abafunde izibalo bayazi ukuthi inombolo engaphansi ejwayelekile yokuhlukaniswa ngayo iyini. Abangcwele bezinsuku-Zokugcina, ikhona inombolo yokwehlukanisa engaphansi ejwayelekile ekuyiyona esibophezelayo thina ndawonye. Leyo nombolo ejwayelekile yokwehlukanisa iwubizo lomuntu yedwa esiyitholayo ukuze sifeze umsebenzi embusweni kaNkulunkulu lapha emhlabeni.
Ingabe uzizwa unecala lokukhononda uma ubizo lulethwa kuwe? Noma mhlawumbe ulwamukela ngokubonga ithuba ngalinye lokusebenzela abafowenu nodade, ngokwazi ukuthi uBaba wethu wasezulwini uzobabusisa labo ababizile na?
Nginethemba lokuthi asingeke silahle okuyiyona nhloso ebalulekile yokuvikela amathuba ethu okusebenza. Leyonhloso, leyonjongo yaphakade, yiyona iNkosi eyakhuluma ngayo futhi etholakala Kumklomelo Wenani Eliphezulu: “Ngokuba bheka, lona ngumsebenzi wami kanye nenkazimulo yami—ekuletheni okudlulayo okungabhubhiyo kanye nempilo yaphakade yomuntu.”1
Masikhumbule njalo ukuthi isembhatho sokuba yilungu eBandleni likaJesu Krestu labaNgcwele bezinsuku-Zokugcina akusona isembhatho esithokomele kepha hleze yingubo yomsebenzi. Umsebenzi wethu, ekungezeleleni ekusindisweni kwethu, ngukukhombisa abanye embusweni kaNkulunkulu.
Ngokuvuma ukuhamba indlela yokusebenzela uNkulunkulu, asingeke sibe sendaweni Ebalulekile yakaShakespeare. Ngokuhluthwa kamandla emva kwempilo yokusebenza enkosini yakhe, wakhala ngosizi wathi:
Ukube ngasebenzela uNkulunkulu wami ngengxenye enomfutho
Ngasebenzela iNkosi yami, Ibingeke eminyakeni yami
Angiyekele ngingambethe ezitheni zami.2
Musebenzi muni odinga ngumbuso wezulu? “iNkosi idinga inhliziyo ekhululekile kanye nengqondo ezinikelayo; nalabo abazinikelayo nabazithobileyo bazakudla umhlaba omuhle waseSiyoni ezinsukwini lezi zokugcina.”3
Ngima kancane uma ngicabanga ngamazwi kaMongameli u John Taylor (1808–87): “Uma ungakhulisi ubizo lwakho, uNkulunkulu uzakubeka icala ngokungabasindisi labo okumele ngabe ubasindisile uma ngabe wenzile umsebenzi wakho.”4
Njengokukhanya okumanyazelayo kwethoshi lokulunga yempilo kaJesu njengoba efundisa ngaphakathi kwabantu. “Nginani njengalabo abasebenzileyo,”5 uJesu wamemezela ngenkathi eletha amandla ezithweni zomzimba zalabo abakhubazekile, ukubona emehlweni alabo abangaboniyo, ukuzwa ezindlebeni zalabo abangezwa kanye nempilo emzimbeni yalabo abafileyo.
Njengomfaniso womSamariya olungileyo, uMfundisi wasifundisa ukuthi sithande omakhelwane bethu njengoba sizithanda.6 Mayelana nempendulo yombusi omcane owayecebile, wasifundisa ukuthi sibekele eceleni ubugovu.7 Mayelana nokupha abangu 5,000, wasifundisa ukuthi sibhekele izidingo zabanye.8 Futhi kwintshumayelo yaseNtabeni, Wasifundisa ukuba siqale ngokufuna umbuso kaNkulunkulu.9
Emhlabeni Omusha, iNkosi eyavuka ekufeni yamemezela ukuthi, “Uyazi izinto okumele uzenze ebandleni lami, ngokuba imisebenzi ebonakalayo kimi yenza lokho okumele ukwenze, ngokuba lokho okubonileyo mina ngikwenza kanjalo kumele nikwenze.”10
Sibusisa abanye ngenkathi sisebenza ethunzini “likaJesu wase Nazaretha … owahamba wenza konke okulungileyo.”11 uNkulunkulu usibusisa ukuba sithole injabulo ngokusebenzela uBaba waseZulwini njengoba sisebenzela abantwana bakhe emhlabeni.
© 2012 ngabakwa Intellectual Reserve, Inc. Wonke amalungelo agciniwe. Ubhalwe eUSA. Isingisi esivunyelwe: 6/11. Ukuhumusha okuvunyiwe: 6/11. Ukuhumusha, First Presidency Message, August 2012. Zulu. 10368 783