2012
Aji nan Tan Bezwen
out 2012

Mesaj Vizit nan fwaye, Out 2012

Aji nan tan bezwen

Etidye materyèl sa a nan lapriyè epi, si sa apwopriye, diskite li avèk sè w ap vizite yo. Sèvi avèk kesyon yo pou ede w fòtifye sè w yo epi fè Sosyete Sekou jwe yon wòl aktif nan lavi pa w.

So Sosyete Sekou a

Lafwa, Fanmi, Sekou

Antanke enstriktris nan fwaye, youn nan objektif nou se ede fòtifye fanmi yo ak fwaye yo. Sè n ap vizite yo ta dwe kapab di: “Si m gen pwoblèm, mwen konnen enstriktris nan fwaye m ap ede san m pa bezwen mande.” Pou nou kapab sèvi yo, nou gen responsablite pou nou konnen bezwen sè n ap vizite yo. Lè nou chèche enspirasyon, n ap konnen kijan pou nou reponn nan bezwen espirityèl ak tanporèl chak sè nou responsab pou nou vizite yo. Epi, pandan n ap itilize tan nou, talan nou yo, priyè lafwa nou, ak sipò espirityèl ak emosyonèl, n ap kapab ede nan rann sèvis konpatisan nan moman maladi, lanmò, ak lòt sikonstans espesyal.1

Gras a èd rapò enstriktris nan fwaye yo, prezidans Sosyete Sekou a idantifye moun ki gen bezwen espesyal akoz maladi fizik oswa emosyonèl, ijans, nesans, lanmò, andikap, solitid, oswa lòt pwoblèm. Lè sa a, prezidant Sosyete Sekou a pote rapò yo bay evèk la. Sou direksyon evèk la, prezidan Sosyete Sekou a kowòdone èd yo.2

Antanke enstriktris nan fwaye nou kapab gen “anpil rezon … pou nou rejwi” poutèt “benesiksyon sa yo ki te tonbe sou nou yo, pou nou kapab sèvi kòm zouti nan men Bondye pou nou fè gwo travay sa a” (Alma 26:1, 3).

Apati Ekriti yo

Matye 22:37–40; Lik 10:29–37; Alma 26:1–4; Doktrin ak Alyans 82:18–19

Apati Istwa Nou

Nan premye ane yo nan Legliz la, kantite manm yo te piti epi yo te santralize. Manm yo te ka reponn vit lè yon moun te nan bezwen. Jodi a kantite manm nou yo plis pase 14 milyon e yo simaye nan tout mond lan. Vizit nan fwaye fè pati plan Senyè a pou pote èd bay tout pitit Li yo.

Prezidan Henry B. Eyring, Premye Konseye nan Premye Prezidans lan te di: “Sèl sistèm ki ka pote sekou ak rekonfò nan yon legliz si gran nan yon mond si varye konsa se pase pa sèvitè endividyèl ki pwòch moun ki nan bezwen yo.”

Li te kontinye konsa: “… Chak evèk ak chak prezidan branch gen yon prezidant Sosyete Sekou ke yo konte sou li. Li menm li gen enstriktris nan fwaye, ki konnen pwoblèm ak bezwen chak sè. Gras a enstriktris nan fwaye sa yo, prezidant lan kapab konnen kè moun yo ak fanmi yo. Li kapab reponn bezwen yo ak ede evèk la nan apèl li pou pran swen moun yo ak fanmi yo.”3

© 2012 pa Intellectual Reserve, Inc. Tout dwa rezève. Enprime nan Etazini Damerik. Apwobasyon Anglè: 6/11. Apwobasyon tradiksyon: 6/11. Tradiksyon Visiting Teaching Message, August 2012. Haitian Creole. 10368 036

Nòt

  1. Gade Manyèl 2: Administration de l’Église (2010), 9.5; 9.5.2.

  2. Gade Handbook 2, 9.6.2.

  3. Henry B. Eyring, nan Daughters in My Kingdom: The History and Work of Relief Society (2011), 110.

Kisa M Ka Fè?

  1. Èske m ap sèvi avèk don ak talan mwen yo pou beni lòt moun?

  2. Èske sè m ap vizite yo konnen ke m dispoze pou ede yo lè yo nan nesesite?