E faatae mai te faaoreraa hapa i te oaoa

Ua haapii mai te peresideni Uchtdorf e, e ti‘a ia tatou ia faaore i te hapa a te mau melo o to tatou nei utuafare. A hi‘o nahea te ma‘itiraa a Iosepha e a Anna i te faataui i te utuafare.

Te ha‘uti ra o Iosepha raua o to’na tuahine o Anna. Haru mai nei Anna i te ha‘uti a Iosepha. Eaha te mea ta Iosepha e ti‘a ia rave ?

Ua riri Iosepha ia Anna. Ta‘i atura Anna. Tama‘i a‘era te metua vahine ia Iosepha no to’na taputoraa e to’na tuahine. Ua pe‘ape‘a o Iosepha no ta’na ma‘itiraa hape.

Faaore a‘era Iosepha i ta Anna hape e imi ihora i te tahi ha‘uti no te ha‘uti atu. Ha‘uti a‘era raua ma te hau. Oaoa roa to raua metua vahine i te mea e, ua hamani maitai Iosepha i to’na tuahine e ua faahau i te utuafare. Ua oaoa Iosepha i te ma‘itiraa ia faaore atu i te hape.

I muri a‘era, na Iosepha raua Anna te hopoi‘a e tauturu i to raua metua vahine ia faaineine i te tamaaraa i te ahiahi. Aita Iosepha e tauturu ra. Eaha te mea ta Anna e ti‘a ia rave ?

Ua amuamu o Anna i ni‘a i to’na metua vahine. Faatupu a‘era Anna i te maniania no te mea, ona ana‘e tera e rave ra. I te taime tamaaraa, aita e mata oaoa no taua manianiaraa ra.

Ua faaore Anna i te hape a Iosepha e ua tauturu atura i te faaineineraa i te tamaaraa. Mauruuru roa to raua metua vahine ia Anna no ta’na tauturu. Oaoa roa te utuafare i te tamaa-amui-raa i tera ra pô. E mana‘o maitai to Anna no to’na ma‘itiraa ia faaore i te hape.

Eaha ta ta outou mau ma‘itiraa ia faaore atu i te hape e faatupu i ni‘a iho i te oaoa o to outou utuafare ?

Te mau faahoho‘araa na Casey Nelson