2012
Ahkfuhlwactye Olwelah Lasr uh
October 2012

Pweng ke Forfor Luti, Ohktohpa 2012

Ahkfuhlwactye Olwelah Lasr uh

Lutlutkihn kuhfa inge ac, ke pacl fal, sramsramkihn yurin tahmtahel ma kowos muhtwacta nuh yohroh an. Orekmakihn kihsen siyuck an in kahsrwe kowos ahkkweye tahmtahel wiyowos an ac in oruh Rilif Sosaiti in ip utuftuf se ke moul lowos sifacna an.

Petsac
Akucl luhn Rilif Sosaiti

Luhlahlfongi, Sucu, Kahsruh

Forfor luti uh pa ahkkahlwemye se ke ohiyacn mwet tuhma lutlut ac inkacnek se in ahkfuhlwactye olwelah lasr ke kuht kuhlwacnsap ac ahkfokokoye sie sin sie. Olwelah se pa sie olweacng muhtahl ac ma pahtpaht inmahsrlon God ac tuhlihk Nahtuhl. “Ke kuht akihlen lah kuht pa tuhlihk ke olwelah uh, kuht etuh lah suc kuht an ac ma God el motko sesr uh,” Elder Russell M. Nelson ke U luhn Mwet Sap Singucul Luo el fahk. “Masap Lal sihmlac ke insiyacsr. El pa God lasr ac kuht pa mwet Lal uh.”1

In ekihn mwet forfor luti uh kuht kuh in ahkfokokoye mwet suc kuht ohsun nuh se in kahsrwelos karihngihn olwelah muhtahl lalos. Ke kuht oruh uh, kuht kahsrwelos ahkolah in eis mwe insewowo ke moul ma pahtpaht. “Tahmtahel nuh kwewa ke Alu se inge suc orwaclah olwelah yurin Leum uh ac eis pahng lucng in kahsruh molwelah nguhnin mwet uh, in kol muhtwacn fin facluh, in ahkfokokoye lohm sin Sion, ac in muhsahi tohkohsrahi luhn God,”2 Elder M. Russell Ballard ke U luhn Mwet Sap Singucul Luo el fahk.

Ke kuht oruh ac karihngihn olwelah muhtahl, kuht pa kolyuck ke kohkoh luhn God. Kuht ac fah kuh in sramsram ke luhlahlfongi lasr ac ahkfokokoye luhlahlfongi luhn kais sie ke Pahpah Lucng ac Jisus Kraist.

Ke Ma Suhmuhslah uh

1 Nephi 14:14; Mosiah 5:5–7; 18:8–13; Doctrine and Covenants 42:78; 84:106

Ke Sramsram Mahtuh Lasr

Tempuhl pa “sie acn in sang kuloh nuh sin mwet luhlahlfongi nuh kwewa,” Leum el ahkkahlwemye nuh sel Mwet Pahluh Joseph Smith ke yac 1833. Pa acn se ke ahkuhtweyucki luhn mwet nuh kwewa suc pahngonyuck nuh ke orekma luhn luti ke pahng ac ohfohs nuh kwewa; lah elos kuh in ahksuwohsyeyuck ke kahlwem ke luti lalos, ke masap, ke ip yohk, ac ke mwe luti, ke ma nuh kwewa ke tohkohsrahi luhn God fin facluh (liye D&C 97:13–14).

Tahmtahel ke Rilif Sosaiti Nauvoo, Illinois ah, ke muhtuhn yac 1840 ah kahsruh sie sin sie ahkolah ke akwuck luhn tempuhl. Ke akwuck luhn pristut fuhlwact ma Mwet Luhlahlfongi ke Lwen Sahflah eis ke Tempuhl Nauvoo ah, kuh luhn God [tuh] liyeyuck (liye D&C 84:20). “Ke Mwet Luhlahlfongi uh liyacacng olwelah lalos uh, kuh se inge ahkkweye ac ahkkweyaclos nuh ke kais sie pacl upac ke lwen ac yac se tok uh.”3

Ke Alu uh mihsenge, muhtwacn ac mukul kuh in luhlahlfongi fin facluh nohfohn kuhlwacnsap lun tempuhl ac tahfwelah in sokwack kuh ke mwe insewowo ma kuh in eisyuck ke olwelah ke tempuhl muhkwena.

© 2012 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/11. Ahkkweyeyucklac ke lweng: 6/11. Lwenglah luhn Visiting Teaching Message, October 2012. Kosraean. 10370 868

Mwe kahsruh

  1. Russell M. Nelson, “Covenants,” Liahona, Nohfohmpuh 2011, 88.

  2. M. Russell Ballard, “Muhtwacn luhn Ma Suwohswohs,” Liahona, Tisacmpuh 2002, 39.

  3. Daughters in My Kingdom: The History and Work of Relief Society (2011), 113.

Meac Nga Kuh In Oruh Uh?

  • Olwelah luhk uh ahkkweyeyuc fuhkah?

  • Nga ac kahsruh tahmtahel wiyuck nga karihngihn uh in liyacacng olwelah lalos uh fuhkah?

Print