Mbasirmba
Meserɛ, Sã M’akoma Yarba
Mo nuabanyin no wu n’afrenhyia no, modwendwen no wu ekyir no me mber ho. Mannkaa yaw yerɛyerɛw a metsee nko ho, mbom nhyira so a Nyankopɔn dze maa me no ho.
Nna menntse ase dɛ nkorɔfo bɛkã dɛ dɔfo bi no wu ekyir no botum dze nhyira aba. Nna munntum nntse ase mbrɛ mubotum enya dza ɔhaw me kɔ bun mu no, ho enyigye nye ndaase. Anafua kor bi dze, mo nhunmu sesãa koraa.
Minyanee anafua esuomu a, nna m’akoma ayɛ duduudur kyɛn ber biara. Nna yaw no rebɔ me men. Motwaa hwee mo nkotodwe enyim na musũi frɛɛ me Ɔsor Egya wɔ mpaabɔ mu. M’abrabɔ nyina mu, wɔakyerɛkyerɛ afa Werdambɔ no nye Jesus Christ N’ayarsã nwanwa tum no ho. Afei nna wɔrosɔ me gyedzi ahwɛ. Ana megye dzi ampara a? Mibisaa me Ɔsor Egya dɛ meserɛ No Ɔnsã m’akoma yarba. Nna yaw no bor ma monko botum ekitsa.
Nkyii asomdwee, awerɛkyekyer, nye ɔdɔ ho atsenkã bi bofuraa me nyimpadua mu no nyina. Metsee dɛ mbrɛ Nyankopɔn dze N’abasa efua me na Ɔrobɔ moho ban efi yaw dzendzen no a metse no. Meda ho fe mo nuabanyin no, mbom mutumii dze enyiwa soronko bi hunii. Dodowara na musũa fii sũahu yi mu.
Minyim dɛ Ewuradze No dɔ na asomdwee wɔ hɔ ma hɛn. Yɛdze hɛnho bɛhyɛ muara na yehia.