2013
Ɔhyewbɔ
Ebɔw 2013

Visiting Teaching Amandzɛɛbɔ, Ɛbɔw 2013

Ɔhyewbɔ

Mpaabɔ muara, sũa adzesuadze yi na, dɛ mbrɛ ɔsɛ no, enye nkyerɛmbaa a esera hɔn no mpɛnsapɛnsam mu. Ma nsɛmbisa no mboa wo ma edze ahyɛ wo nkyerɛmbaa no dzen, na ɔma Relief Society ndzi adɔntsen wɔ ɔwoara w’abrabɔ mu. Ho nsɛm mbordo no, kɔ reliefsociety.lds.org.

Gyedzi, Ebusua, Mboa

Hɛn nkɔnhyɛnyi, President Thomas S. Monson, ahyɛ hɛn nkuran dɛ “yɛntsen nkɔ nkɛgye hɔn a wohia hɛn mboa, na yɛmpegya hɔn nkɔ kwan pa a ɔkrɔn do. … Ɔyɛ Ewuradze N’edwuma, na ber yɛreyɛ Ewuradze No soma no, … yɛfata Ewuradze No mboa.”1

Mfe pii a abasen kɔ no LaVene Call nye ne kyerɛkyerɛnyi ɔserafo adamfo kɛseraa akyerɛbaa bi a ɔayɛ akɔtrɔbɔdwe. Wɔbɔɔ abow no mu na wohun enã baatan akatasia no dɛ ɔhyɛ n’eguaree akatado. Nna ɔsɛ obi a ɔyar, mbom annkyɛr na wohun dɛ nsãdzen nye ne haw no. Akyerɛkyerɛfo aserafo no tsenaa ase na wɔnye enã baatan akatasia a ɔreper no kasae.

Wofiir edzi ekyir no, wɔkãa dɛ, “Ɔbaa yi yɛ Nyame Ne ba. Yɛwɔ asodzi dɛ yɛboa no.” Ntsi wɔtaa kɛseraa no. Ber biara no, wotum hu na wɔtse nsesã ho nkã ba papayɛ ho. Wɔserɛɛ akyerɛbaa no dɛ ɔnkɔ Relief Society. Ɔwɔ mu dɛ nna ɔrotwentweɔn dze, naaso nkyii ɔtoa do kɔree. Nkuranhyɛ ekyir no, ɔbaa no nye no kun nye hɔn akyerɛbaa kɔr asɔr. Kun no nyaa Sunsum Krɔnkrɔn no ho atsenkã. Ɔsee dɛ, “Morokɔ akɛyɛ dza bishop no esusu no.” Afei, wɔbɔhyew wɔ Asɔr no mu, na wɔasɔw hɔn ano wɔ temple mu.2

Fi Kyerɛwsɛm no mu

3 Nephi 18:32;Nkyerɛkyerɛ na Ahyɛmudzi 84:106;138:56

Fi Hɛn Abakɔsɛm mu

Yɛroboa hɔn a wɔatɔ gon ma wɔaba Jesus Christ N’asɛmpa no mu bio no, akã eyɛ Nda a Odzi-Ekyir Ahotseweefo na Relief Society kuwba ntɔyɛɛ ho daa. President Brigham Young (1801–77) see dɛ, “Hom mma yenya ayamuhyehye mma hɛnho nkorkor, … na yɛma hɔn a wohu adze no mma efurafo no kwankyerɛ, kɛpem dɛ wobotum ehu kwan no ama hɔn ho.”3

Eliza–R. Snow, wiadze mfɛndzanan Relief Society President ne pamfo a otsĩa ebien no, kyerɛɛ ne ndaase maa nkyerɛmbaa a wɔwɔ Ogden, Utah, USA, no hɔn mbɔdzembɔ dɛ wɔhyɛ hɔn ho dzen nkorkor. Ɔkãa dɛ, “Minyim dɛ wɔyɛ adze dze kyekyɛ kɛse noara [wɔ som mu] a ɔnnkɔ [nkyerɛwee] nwoma mu.” Mbom wohu dɛ wosie nwoma wɔ sor fa nkyerɛmbaa no hɔn edwumayɛ ho ber, a wɔtsen hwɛ hɔn a hɔn akoma ayeyɛ nwinwin ho no, ɔsee dɛ: “President Joseph Smith see dɛ wɔkyekyer kuw yi ama wɔaagye akra nkwa. …Wosie nwoma kor so fa wo gyedzi, w’ayamuyie, wo ndwuma pa, nye wo nsɛm ho. … Biribiara nnyew.”4

© 2013 odzi wɔ Intellectual Reserve, Inc. Wɔakora ho tumdzi nyina. Wotsintimii wɔ USA. Ngyirisi kasa ho mpendo: 6/12. Nkyereasee ho mpendo: 6/12. Visiting Teaching Amandzɛɛbɔ, Ɛbɔw 2013, ne Nkyerɛasee. Fante. 10663 502

Nsɛnsin

  1. Thomas S. Monson, “The Sacred Call of Service,”Liahona, Esusow Aketseaba 2005, 55, 56.

  2. Krataa a LaVene Call n’akyerɛbaa kyerɛwee dze kɛmaa wiadze mfɛndzanan Relief Society Presidency no.

  3. Brigham Young, wɔ Daughters in My Kingdom: The History and Work of Relief Society (2011), 107.

  4. Eliza R. Snow, wɔ Daughters in My Kingdom, 83.

Ebɛnadze na Mubotum Ayɛ?

  1. Ana medze akokodur bisa nkyerɛmbaa akɔtrɔbɔdwefo dɛ wɔnye me nkɔ Relief Society nhyiamu a?

  2. Ana nkyerɛmbaa a mohwɛ hɔn do no, ɔyɛ hɔn mberɛw dɛ wobebisa me asɛmpa ho nsɛmbisa a?

Tsintsim