2013
Temple Ahyɛmudzi
Ebɔbira 2013

Visiting Teaching Amandzɛɛbɔ, Ebɔbira 2013

Temple Ahyɛmudzi

Mpaabɔ muara sũa adzesuadze yi na, dɛ mbrɛ ɔsɛ no, enye nkyerɛmbaa no a esera hɔn no mpɛnsapɛnsa mu. Ma nsɛmbisa no mboa wo ma edze ahyɛ wo nkyerɛmbaa no dzen, na ɔma Relief Society ndzi adɔntsen wɔ ɔwoara w’abrabɔ mu. Ho nsɛm mbordo no, kɔ reliefsociety.lds.org.

Mfonyin
Relief Society Ahyɛnsewdze

Gyedzi, Ebusua, Mboa

“Nkwagye ayɛdze a yegye no wɔ temple mu na ɔma hɛn kwan ma dabi yebɛsan akɔ hɛn Ɔsor Egya nkyɛn wɔ onnyiewiei ebusuabɔ mu na wɔdze nhyira na tum ama hɛn efi ɔsor no fata afɔrbɔ biara nye mbɔdzembɔ biara ”1 President Thomas S. kãe. Sɛ nnkɔɔr temple a, ibotum ayɛ ahoboa dze akɛgye temple ayɛdze krɔnkrɔn ber a:

  • Egye Ɔsor Egya, Jesus Christ, na Sunsum Krɔnkrɔn no dzi.

  • Enya Jesus Christ No Werdambɔ na asɛmpa nsanananmu ho dasegye yie.

  • Ema nkɔnhyɛnyi a ɔtse ase no tsipia na ikã no do.

  • Edua ebupɛn du ntuae, ahosan bra, nokwar dzi, esie Enyansasɛm no, na ebɔ bra a ɔnnye Asɔr nkyerɛkyerɛ no mmbɔ ebira do dze fata temple recommend.

  • Edze wo mber, talent horow, nye ahonyadze dze boa ma wɔkyekyer Ewuradze N’ahenman no.

  • Edze wo ho hyɛ ebusua abakɔsɛm ndwuma mu.2

President Monsoon kyerɛkyerɛɛ mu dɛ, “Sɛ yɛkaa ahyɛmudzi a yɛyɛ no wɔ [temple] no mu a yebotum asoa adzesoadze biara na yedzi nsɔhwɛ biara do konyim.”3

Fi Kyerɛwsɛm no mu

Nkyerɛkyerɛ na Ahyɛmudzi 14:7; 25:13; 109:22

Fi Hɛn Abakɔsɛm mu

“Ahotseweefo bɔbor 5,000 na wɔkyeer do baa Nauvoo Temple wɔtuu hyɛɛ Nyame nsa ekyir no. …

“Ahoɔdzen, tum, nye temple ahyɛmudzi mu nhyira no gyee Nda a Odzi Ekyir Ahotseweefo no [abamba] wɔ hɔn [anee] akwantu no mu, ber a [wohuun amandze] wɔ awɔw, ɔhyew, ɔkɔm, ohia, yarba, esian, nye owu no.”4

Tse dɛ Relief Society nkyerɛmbaa dodow no, Sarah Rich soom dɛ temple dwumayɛnyi. Ɔkasaa faa no sũaho no: “Sɛ nkyɛ ɔnyɛ gyedzi na nyimdzee a …. Ewuradze No Sunsum dze maa hɛn wɔ dɛm temple no mu a, nkyɛ hɛn akwantu no bɛyɛ dɛ obi a oehuruw anafua sum mu. … Mbom nna yɛwɔ gyedzi wɔ hɛn Ɔsor Egya mu, …. yɛtsee nkã dɛ yɛyɛ No nkorɔfo a wɔasan mu eyi hɛn … , na nkyɛ awerɛhow no, yɛtsee dɛ yebedzi ehurusi dɛ hɛn ɔgyeda no aba.”5

Ɔmantu no annyɛ “anafua sum mu ehuruw” ama Nda a Odzi Ekyir Ahotseweefo mbaa anokwafo no. Temple ahyɛmudzi no gyee hɔn abamba.

© 2013 odzi wɔ Intellectual Reserve, Inc. Wɔakora ho tumdzi nyina. Wotsintimii wɔ USA. Ngyirisi kasa ho mpendo: 6/12. Nkyereasee ho mpendo: 6/12. Relief Society Message, April 2013, ne Nkyerɛasee. Fante. 10664 502

Nsɛnsin

  1. Thomas S. Monson, “The Holy Temple—a Beacon to the World,” Liahona, Esusow Aketseaba 2011, 92.

  2. Hwɛ Daughters in My Kingdom: The History and Work of Relief Society (2011), 21.

  3. Thomas S. Monson, Liahona, Esusow Aketseaba 2011, 93

  4. Daughters in My Kingdom, 29–30.

  5. Sarah Rich, wɔ Daughters in My Kingdom, 30.

Ebɛnadze na Mubotum Ayɛ?

  1. Ana metaa som wɔ temple mu a?

  2. Ana merihyɛ me nkyerɛmbaa no nkuran ma wɔakɛgye temple nhyira a?

Tsintsim