Na iYaya Vovou ni Initaneti e Veivuke ena Kena Maroroi ka Wasei na iTaba kei na iVakananumi ni Matavuvale
O ira era veisiko kina FamilySearch.orgera na vakila eso na veisau bibi me tekivu mai na Epereli 2013. Era solia na veika sotavi duidui na iyaloyalo veisureti bulabula, serau na rokana, kei na dua na ibinibini iyaya vovou. E dina ni na dua tikoga na nodra iyacoyaco talei na dautuvakawa kei na daudidigo, na iyaya vovou ena dreta vata e dua na ilala dausiko rabailevu.
Na veiyaya vovou e vukea na kena tosoi na tuvakawa me sivi na vakadidike ka me taleitaki ki na dua na ilawalawa levu cake ni dautuvakawa ni matavuvale qase kei na gone. Sa rawa vei ira na siko me ra tara vata na nodra ituvatuva ni matavuvale ena initaneti ka maroroya ka wasea vata na itaba ni matavuvale kei na italanoa—sega kece ni saumi.
Na itaba kei na italanoa ni matavuvale e vakabulai ira mai na tubuda. O ira na tamata dina ena daku ni tikinisiga e rawa ni vakavuvulitaka vei keda na ivakavuvuli me vaka na yaga ni cakacaka vakaukauwa, na ivakarau me da sotava kina na bolebole ni bula, kei na ivakarau e tara kina noda bula na digidigi.
Ni vakarawarawataki na kena katoni ka maroroi na itukutuku ni matavuvale ena vukei keda ena noda semati keda ki na noda veigauna sa sivi ka tauyavutaka e dua na iyau ni veisiga ni mataka.
Na iYaya Vovou ena FamilySearch.org
Na Vunikau ni Matavuvale ena FamilySearch. Ena imatai ni gauna ena FamilySearch.org, sa na rawa vei keda me da tekivu tara cake vata na noda vunikau ni matavuvale vakatabakidua sara ga ena initaneti, me tekivu ena kena vakuri na itukutuku me baleti keda qai dewa yani ki na veitabatamata sa sivi yani.
Veika bibi ni Vunikau ni Matavuvale:
-
Raica ena FamilySearch.org ena ruku ni katuba ni “Vunikau ni Matavuvale.”
-
Sa vakatawani rawa tu na vunikau ena sivia na 900 na milioni na yaca yadua era solia mai na petereni.
-
E sega ni saumi.
-
Sa rawa kina vei keda me da tara cake vata, vakatulewataka, ka wasea na noda ituvatuva ni kawa vakatabakidua saraga ena initaneti.
-
E rawa ni ra qai raica vakadua o ira era vakayagataka na veika era sa raica oti beka eso tale me baleta na nodra ituvatuva ni kawa.
-
E rawarawa nodra vakavodoka o ira era vakayagataka na itaba kei na italanoa kei na ivurevure ni veisemati.
-
E rawa vei ira era vakayagataka me ra maroroya tudei tu na nodra vunikau wasei vakamatavuvale me baleta na veitabatamata ni mataka.
-
Na iyaya rawarawa ni “grab and pull” e rawarawa kina vei ira na vakayagataka me ra veitosoyaki cake ka lako sobu.
-
Ena rawa vei ira na petereni me ra raica e bilioni na itukutuku soliwale ena FamilySearch.org me vukea na kena vakaleweni na veitabana e yali tiko ena Vunikau ni Matavuvale.
iTaba. E rawa vei ira na vakayagataka me ra maroroya na kedra itaba na tubudra taleitaki, vakavodoka ena nodra itukutuku ena Vunikau ni Matavuvale ni FamilySearch, qai wasea ena tabana vakaitukutuku ni veimaliwai. E sivia ni 200,000 na itaba sa soli mai, maroroi, ka wasei.
iTalanoa. E rawa vei ira na vakayagataka me ra vola eso na italanoa taleitaki me baleta e dua na tubudra ena Vunikau ni Matavuvale ena FamilySearch. Na iyaya oqo e rawa kina vei ira na matavuvale me ra sokumuna, wasea ka maroroya veisosomitaki na nodra italanoa ni matavuvale.
Nodra iVolakabi ni Veitaratara na Dausarasara. Ena 2012 a vakatovolea kina na FamilySearch e dua na iyaya ka na rawa kina ki na tamata yadua me ra raici ira kei ira na tubudra ena dua na ivolalobi ni dausarasara duiroka. Na iyaya oqori sa vakavinakataki cake ka rawa ni kunei ena FamilySearch.org.
Daucakamana ena Vunikau ni Matavuvale. O ira era se qai tara vakadua na nodra vunikau ni matavuvale era na raica ni yaga vakalevu sara vei ira na iyaya oqo. Ena dua na iwalewale ni veivakatarogi rawarawa, ena taroga mai na iyaya ni cakacaka oqo baleti ira na tubumu era se bula kei ira era sa mate, qai tara na isema oqori ki na vunikau ni matavuvale mo tekivu kina.
Veivuke Bula. Sa roboti vuravura raraba tikoga yani na kena taleitaki na tuvakawa. Sa tavoca na FamilySearch e dua na isema ni vuravura raraba ena initaneti ka solia na veivuke sega ni saumi me baleta na vua ni cakacaka kei na vakadidike yadua ena talevoni kei na veivosaki ena initaneti 24 na auwa ena dua na siga—sa tu oqo ena 10 na vosa.
Na Vosa. Na iyaya vovou kece kei na veiqaravi ena vakarautaki tu ena 10 na vosa. Sa vakarautaki tu me baleta na iyaya kece sara ka sega ni saumi na vidio ni kena icakacaka. Kiliki ga ena ibulukau ni veivuke me baleta na kena matailalai tale eso.
© IRI
© IRI