Visiting Teaching Amandzɛɛbɔ, Fankwa 2013
Ahodan
Mpaabɔ muara, sũa adzesuadze yi na, dɛ mbrɛ ɔsɛ no, enye nkyerɛmbaa a esera hɔn no mpɛnsapɛnsa mu. Ma nsɛmbisa no mboa wo ma edze ahyɛ wo nkyerɛmbaa no dzen, na ɔma Relief Society ndzi adɔntsen wɔ ɔwoara w’abrabɔ mu. Ho nsɛm mbordo no, kɔ reliefsociety.lds.org.
Gyedzi, Ebusua, Mboa
Ahodan nye tum a yɛwɔ, hɛn enyimpi, nye hɛn mbɔdzembɔ dɛ yebenya hɛnankasa sunsum mu na honandua mu yieyɛ na hɛn ebusua ebusua dze.1
Sɛ yesũa na yɛdze ahodan nkyerɛkyerɛ bɔ bra wɔ hɛn efiefie nye hɛn sɔn mu a, yebenya kwan ahwɛ ehiafo na abɔbɔfo na yɛaboa binom so ma woenya ahodan ama woeetum eetsim amandzehu ber mu.
Yɛwɔ ndzinoa na asodzi dɛ yɛdua hɛn pɛ kwan do bɛnya sunsum mu na honandua mu ahodan. Ɔrekasa fa sunsum mu ahodan nye Ɔsor Egya a yɛdan no no, Elder Robert D. Hales a ɔkã Duebien hɔn Quorum ho no kyerɛkyerɛɛ dɛ: “Yɛsakyer na yebenya sunsum mu ahodan ber a mpaabɔ muara—yedua sacrament ne ndzii emudzi mu, yɛdzi mu dɛ cyebekitsa temple recommend, na yɛbɔ afɔr som binom, dze sie hɛn ahyɛmudzi no.2
El Hales tu hɛn fo dɛ yɛnyɛ honandua mu ahodan, “a nsɔwdo skuul anaa nsaano edwuma ho ntsetsee, yɛrusũa edwumayɛ, na yɛrohwɛ hɛn ahodze ho abɔ bra kã ho. Sɛ yekwetsir kaw na yesie sika ndɛ a, nna yɛreyɛ ahoboa ma ndaamba etuhoakyɛ Asɔr som. Honandua mu nye sunsum mu ahodan no botae nye dɛ hɛnankasa yɛbɛba ebegyina bea a ɔkrɔn ama yeetum eepegya binom a wohia mboa.3
Fi Kyerɛwsɛm no mu
Matthew 25:1–13; 1 Timothy 5:8; Alma 34:27–28; Nkyerɛkyerɛ na Ahyɛmudzi 44:6; 58:26–29; 88:118
Fi Hɛn Abakɔsɛm mu
Nda a Odzi Ekyir Ahotseweefo no kɔboaa ano wɔ Salk Lake Bɔnsa, bea ɔyɛ sar kɛsɛɛ no ekyir no, nna President Brigham Young pɛ dɛ wɔyɛ prɔmprɔm na wɔkyekyer asoɛe a obetsim. Iyi kehiaa dɛ Ahotseweefo no sũa nsaano ndwuma a obegya hɔn ma wɔayɛ ahodan. Mbɔdzembɔ yi mu no, President Young nyaa gyedzi kɛse wɔ mbaa no hɔn etumayɛ, talent horow, nokwardzi nye hɔn pɛ mu, na ɔhyɛɛ hɔn nkuran wɔ honandua mu asodzi binom mu. Relief Society nkyerɛmbaa hɔn asodzi binom asesã ndɛ dze, mbom ne fapem nkyerɛkyerɛ no tsim hɔ daa.
-
Sũa dɛ ebɛpɛ edwumayɛ na ibokwetsir enyihaw.
-
Yebenya ahofama sunsum
-
Yɛbegye hɛn asodzi wɔ sunsum mu ahoɔdzen, apɔwmudzen, adzesũa, edwumayɛ, sikasɛm, edzidzi, nye abrabɔ mu ehiadze ato hɛnankasa hɛn do.
-
Yɛbɔ mpaa serɛ gyedzi nye akokodur a yɛdze behyia taferbanyinmbɔmu
-
Yɛhyɛ hɔn a wohia mboa no dzen.4
Ebɛnadze na Mubotum Ayɛ?
-
Mereyɛ dɛn aboa nkyerɛmbaa a mohwɛ hɔn do ma woenya hɔn honandua mu na sunsum mu ehiadze ho
-
Ana murudua sacrament ahosiesie nye afɔrbɔ a medze som binom do, rutu mpon wɔ sunsum mu ahodan mu a?© 2013 Intellectual Reserve, Inc. Wɔakora ho tumdzi nyina. USA, na Wotsintsimii. English approval: 6/13. Translation approval: 6/13. Visiting Teaching Message, September 2013. Ne Nkyerɛasee wɔ Kasa Fante mu. 10669 502