Camille mai New York City

Camille ruaiwa ana ririki ni maiu iai raoraona aika a rawata. “Te bwai ae I rangin tangiria iai raoraou aikai bwa a bane ni kakaokoro nako,” e taku. “Bwa a roko man tabo aika a kakaokoro, ao a mwaiti aia anga aika a kakaokoro ni karaoi bwai.” E tangiria Camille n reiakin bwai aika a raraoi mairouia raoraona aikai, ao e tangiria n tibwauai ma ngai. Te bwai ae tamaroa ae e a tia n tibwauaia ma raoraona bon te euangkerio. I mwin tibwauan taekan te onimaki nakon raoraona ae Yailin, e kaoia ana utu raoraon Camille bwa a na kaitibo ma mitinare. Camille e reireina naba Yalin bwa e na kanga n tataro. Ngkai a kaaina te Ekaretia Yailin ma tinana.

Mamatennanou n te kuna are “Ngai Natin te Atua” ao “Utu a Kona N Ikotaki n Aki Toki.” Mamatennanou ni koroboki aika a tabu bon Doctrine ao Covenants 19:23: “Ti riai n reireiaki mai roun Kristo, ni kakauongo nakon ana taeka, n nakonako n nimamannei i nanon Tamneina, ao ti na karekea te rau mai Rouna” (tara Doctrine ao Covenants 19:23). Te koroboki ae tabu aei e aki toki ni kaungai ngkana I nanokawaki.

E bwabetitoaki raoraou ae Yailin n 2011. I tangiria bwa ti na kaai n nako n taromauri. I buokia ni kamatenanoa Taekan te Onimaki. Ti mwakuri i aon te karuaiwa n taekan te onimaki.

Tinau ma Tamau a bon roko man te Dominican Republic. Ao anne bukina ae mamatennanou n te amwarake bon te raiti ao te biin ma te moa. E kauringai bwa te tabo ra ae a roko mai iai au utu.

Bon niman aomata i nanon au utu. Tariu ae uarereke, Emily, e bwabetitoaki ao ni kamatoaki n Ritembwa. Mwaaneu ae uarereke Victor, e aranaki i mwin tamau. E tuai man reke au man ae I tatangiria, ma I iangoia ni kareakea au man te on. I tangiri taian oon ibukina bwa a rangin ni kanikan ao a rangi ni birimere, ai ngaia are a aki kona naba ni birinako.

I tangira karakinan Kaben Moronai n ana Boki Momon. E wareka rongorongona tamau n tain ara botaki n utu n te tairiki ao e kaunga nanou ni karaoa oin au buraeki. Au buraeki e kauringai bwa antai Ngai ao bwa te Tama are i Karawa e memena irarikiu n tainako.

Tamnei n anganano ibukin te utu, ti n aron ae a kabwarabwaraki; Statue of Liberty photograph © Getty Images; Come Forth, by Walter Rane, courtesy of the Church History Museum