Ibukia Ataei Aika A Uarereke
E Kakabwaiaia Ataei aika Uarereke Iesu
Mairoun Mareko 10:13–16.
Angina aomata a ikotaki irarikin Iesu. A kan ongora irouna bwa E karaki. A kan ongora Irouna n anga reirei taekan karawa.
Ngkana a aoraki aomata, e kamaiuia Iesu. E kamaiuia aomata ake a aki noraba. E kamaiuia aomata ake a aki kona n ongo te taetae.
N te bong teuana iai tabeman a uotia natiia aika a uarereke bwa a na nora Iesu. A tangiria bwa E na kakabwaiaki natiia. Ana reirei Iesu a tuangia aomata bwa a na aki katabetabea Iesu. A iangoia bwa E rangin tabetabe.
E aki rangi n tabetabe Iesu. E tuangia ana reirei bwa a na kanakoia ataei nakoina. E taku bwa abanuean karawa aia bwai aomata ake titebo nanoia ma ataei aika a uarereke.
E tangiria ataei ni kabane Iesu. E aki kakawaki bwa antai ngkoe, aekakira tarakim, ke ko maeka ia. E tangiriko Iesu!
Kamatata n te korotamnei iroun Shawna J. C. Tenney