Membwa a Kona ni Bubuti Kariaiakaki n Rainin te Nakoanibonga

Iroun Ryan Morgenegg

Rongorongon te Ekaretia

Te Ekaretia e a kona ngkai ni katauraoa te rongorongo iaon rainin te kariaiakaki n rainin te nakoanibonga bwa te ibuobuoki nakoia membwa ake a kainnanoia. Te kariaiakaki n rainin te nakonaibonga bon te baeten ni kamatoa are e kona n oki rikaaki nakon moan waakin te Ekaretia ao n tokina nakon te Tia Kamaiu.

E ngae ngke te tia taua te nakoanibonga n te nakoa ae te Itingaun e kona ni karinaki bwa te membwa inanon te rain ni kariaiakaki, akea te rain ni kariaiakaki ae e kateimatoaki ibukin te nakoa n te Itingaun. N reitaki ma aio naba, te rain n te kariaiakaki n te nakoanibonga ibukia bitiobi ao tamanuea aika katabuakaki e bon kataneaki rinanon katabuakaia bwa ibonga aika rietata.

Bon tii rongorongo iaon rinan n te kariaiakaki n te Nakoanibonga ae te Merekitereka ae e kona n reke man te Ekaretia; rain ibukin te Nakoanibonga ae te Aaron e aki kona n reke. Membwa a kona ni bubuti karinan ni kariaiakaki man te Nakoanibonga ae te Merekitereka bon tii rongorongoia, ke te ataei ae maeka ni mwengaia, ke kairake ni mitinare ake a bon mwakuri. Beeba aikai a bon aki tauaki mwiia n ana rekooti te Ekaretia.

Ngkana ko tangiria ni bubuti te karinan ni kariaiakaki, karina aram ae bwanin ae tauaki iaan te tua, bonginibung, am nambwa ni membwa (e reke n te rekomente n te tembora ke mai iroun am kiraaka n te uoote), aran te aomata are e katabuko nakon te nakoa n unimwane ke te ibonga ae rietata (ngkana ko kina), ao am atureti ao te tareboon ke imeeri are ko na reke iai.

Kanakoa am bubuti nakon:

Priesthood Line of Authority

Global Service Center

120 North 200 West

Salt Lake City, Utah 84103-1514, USA

Fax: 1-801-240-6816

Tareboon: 1-800-453-3860, katomaki 2-3500

Imeeri: Kanakoi imeeri nakon lineofauthority@ldschurch.org ma “PLA” n rainin atun te rongorongo. Ni kaekaana ko na karekea te booma are ko na kanoaia ao ni manga kaokia (e tawe te kaeka nakon te rongorongo are iai te “PLA” n rainin atun te rongorongo).

Rain ni Kariaiakaki n te Nakoanibonga ibukiia ake a kona ni karaoi otenanti a kona n nooraki nakon ana tai te Tia Kamaiu.