Mbabun
Jen Akyɛdze no
Ɔkyerɛwfo no tse Utah, USA.
Meyɛɛ mfom ntoatoado wɔ dza mesaan mu yii no, ber a mowɔ mangow ebien wɔ nsɔwdo skuul no. Nsanmuyi yinom dze nsunsuando a ɔyɛ dzen na ɔhaw bae, na misii egyinae dɛ medze ɔhyewber akwanma no bɛhyɛ ase ayɛ nsesã. Ber a wobuei skuul bio no, midzii m’ewiaber edziban wɔ eguareebea anaa asado a atɔ pan dze ekwetsir fekuw bɔn a worotweɔn ehyia me bio.
Menntsee ankonamyɛ dɛm da.
Nkyii Nyankopɔn kyɛɛ me akyɛdze bi: Ɔsomaa Jen baa me nkyɛn. Oennbu me atsɛn wɔ me mfomdo ho da, mbom ɔhyɛɛ me nkuran dɛ monkɔ do nantsew wɔ kwan tsen no do. Minyim dɛ ɔbɔwɔ skuul hɔ no, boaa me ma mosɔɔw do kenkaan me kyerɛwsɛm na mepegyaa me dasagye. Abawdobɔ ber durii no, nna makyerɛ ma mehu dɛ mesi pi dɛ mebɛsesã.
Ɔtɔfabi a, modwendwen dɛ sɛ Jen anntsen ammba me nkyɛn a, nkyɛ ndɛ mowɔ henfa. Nkyɛ mubotum etsim wɔ me fapem mu a mebokwetsir no a? Adom ara, munnkohu da, osiandɛ nna ɔwɔ hɔ a ɔdze n’akoma nyina, na ɔayɛ krado na ɔpɛ muara dɛ ɔbɔboa me.