Nkyerɛkyerɛ ma Hɛn Mber yi

Melchizedek Asɔfodzi na Relief Society adzesũa wɔ Kwesida a otsĩa anan no, wɔdze betsim “Nkyerɛkyerɛ ma Hɛn Mber yi” do. Adzesũa biara no wobotum ayɛ ho ahosiesie efi kasa kor anaa no mboree efi ndaansa wiadze mfɛndzanan ehyiadzi mu (hwɛ nkyerɛmu-mfonyin a ɔwɔ ase no). Stake na mansin mu presidentfo botum asan mu eyi kasa kor a wɔdze bedzi dwuma, anaa wobotum dze asodzi yi ahyɛ bishopfo na nkorbata presidentfo nsa. Baanodzifo no wɔdɛ wotsĩ mu kyerɛ mfaso a ɔwɔ Melchizedek Asɔfodzi enuanom no nye Relief Society nkyerɛmbaa no bosũa kasa kor noara wɔ Kwesida kor mu.

Hɔn a wɔreba Kwesida a-otsĩa anan adzesũa no, ɔwɔ dɛ wɔhyɛ hɔn nkuran ma wosũa ndaansa yi wiadze mfɛndzanan ehyiadzi dawurbɔ krataa no.

Esusudze a wɔdze bɛyɛ Adzesũa ho Ahosiesie efi Kasa horow no mu.

Bɔ mpaa dɛ Sunsum Krɔnkrɔn no bɛkã woho ber a isũa na ekyerɛkyerɛ kasa (dodow) no. Bia edze adzesũadze binom bɛyɛ adzesũa no ho ahoboaboa, mbom wiadze mfɛndzanan ehyiadzi mu kasa noara yɛ adzesũadze a wɔagye ato mu. Wo dwuma nye dɛ iboboa nkaafo no ma woesũa na wɔdze asɛmpa no abɔ bra, dɛ mbrɛ wɔkyerɛkyerɛɛ no wɔ ndaansa yi Asɔr no wiadze mfɛndzanan ehyiadzi mu no.

Hwɛhwɛ kasa (dodow) no mu, hwehwɛ fapem na nkyerɛkyerɛ a obehyia esũafo no hɔn ehiadze. Hwehwɛ nsɛnkã, kyerɛwsɛm ntõtõho, na nsɛm fi kasa (dodow) no a ɔbɔboa wo ma akyerɛ nokwar yinom no.

Yɛ mbrɛ ebɛkyerɛ fapem nye nkyerɛkyerɛ horow no ho nhyehyɛɛ. Susu dɛ edze nsɛmbisa bɛkã ho a ɔbɔboa adzesũafo no:

Hwehwɛ fapem nye nkyerɛkyerɛ horow a ɔwɔ kasa (dodow) no mu.
Dwendwen ne nkyerɛasee ho.
Enye hɔn nkyɛ ntseasee, adwen nsusii, sũahu, nye dasegye horow no.
Fa fapem na nkyerɛkyerɛ yinom toto hɔn abrabɔ ho.

Abosoom a Wɔkyerɛkyerɛ Adzesũa no	Kwesida a-Otsĩa Anan Adzesũadze
Ɔbɛsɛ 2013–Ebɔbira 2014	Kasa a wɔmaa no Ɔbɛsɛ 2013 Wiadze Mfɛndzanan Ehyiadzi mu*
Ebɔbira 2014–Ɔbɛsɛ 2014	Kasa a wɔmaa no Ebɔbira 2014 Wiadze Mfɛndzanan Ehyiadzi*