Nahibalo Ko Nga si Jesukristo Moanhi Pag-usab

Inyong magamit kini nga leksyon ug kalihokan aron makat-on og dugang kabahin sa tema sa Primary karong bulana.

Inyo bang mahunahuna nga si Jesus migunit ninyo sa Iyang mga bukton ug mihatag kaninyo og panalangin? Mao kana ang Iyang gibuhat sa mga Nephite nga mga bata sa Basahon ni Mormon human Siya mabanhaw.

“Ug nahinabo nga siya misugo nga ang ilang gagmay nga mga bata kinahanglan dad-on ngadto kaniya.

“Busa sila midala sa ilang gagmay nga mga bata ug gipalingkod sila sa yuta libut kaniya, ug si Jesus nagbarug sa taliwala. …

“ … Ug siya mikuha sa ilang gagmay nga mga bata, sa tinagsa, ug mipanalangin kanila, ug nag-ampo ngadto sa Amahan alang kanila.(3 Nephi 17:11–12, 21).

Nasayud kita nga si Jesus moanhi pag-usab ug mopuyo dinhi sa kalibutan uban nato. Siya mao ang atong Hari ug Magmamando. Kini mao ang panahon sa kalinaw ug kalipay alang niadtong kinsa andam sa pagsugat Kaniya.

Si Jesus nahigugma kaninyo sama sa Iyang paghigugma sa mga Nephite nga mga bata. Makaandam kamo sa pagtan-aw Kaniya sa Iyang pag-anhi pag-usab pinaagi sa pagkamabination ngadto sa uban, pinaagi sa pagkamasulundon, pinaagi sa pag-ampo, ug pinaagi sa pagpili sa matarung. Dayon kamo maandam na sa Iyang pag-anhi pag-usab!