Ganahan kong mobasa sa mga pahina sa mga bata mahitungod sa kinabuhi sa mga propeta ug ni Jesukristo. Makalig-on kini sa akong pagpamatuod samtang magbasa ko sa pagpamatuod sa uban. Ang Liahona nagtabang nako sa pagpili sa matarung ug sa pagsunod sa mga sumbanan sa Simbahan. Nakatabang usab kini nako nga mobati nga mas duol sa Langitnong Amahan.
Camilla K., edad 11, West Malaysia
Ailin C., edad 8, Guatemala
Usa ka adlaw ang among Primary mibisita sa São Paulo Brazil Temple. Ang tanaman mas matahum pa kay sa bisan unsa nga akong nakita sukad. Nakat-unan nato nga pinaagi sa mga pakigsaad nga atong gihimo sa templo, makapuyo kita uban sa atong mga pamilya sa kahangturan. Ang presidente sa templo nga namulong namo diha sa hulatanan nga lawak, diin among nakita ang matahum nga mga painting. Duna koy init kaayo ug malipayon nga pagbati, ug ang akong inahan miingon nako nga kini ang Espiritu Santo nga nagpamatuod nako nga unsay akong nakat-unan tinuod. Nakaangkon ko’g pagpamatuod nga ang templo balay sa Ginoo.
Renato B., edad 8, Brazil
Si Renato ug ang iyang pamilya sa iyang bunyag
Si Mauricio H., edad 7, gikan sa Mexico, dunay tinguha nga magpabunyag ug magmasulundon aron moabut ang adlaw siya makasulod sa templo. Naningkamot siya nga mahimong maayo nga ehemplo sa iyang manghud nga lalaki, si Daniel.
Si Daniel, edad 3, gikan sa Hong Kong, ang kinamanghuran sa iyang pamilya. Siya dunay maayong kasingkasing ug nindot nga pahiyom, ug siya ganahan nga moserbisyo sa uban. Kanunay siya nga moboluntaryo sa pag-ampo diha sa simbahan ug sa balay, ug siya ganahan nga mobarug uban sa iyang amahan ug moabi-abi sa mga miyembro sa ward sa dili pa ang miting sa sakrament. Ganahan usab siya manghipos sa mga hymnbook ug limpyohan ang chapel human sa pagsimba. Usa ka adlaw siya mipakita og maayong ehemplo sa iyang inahan sa dihang iyang gidapit ang gamay nga bata nga iyang nasugatan padulong sa simbahan sa pagsimba uban niya.
Ang mga bata sa Cayenne Branch, French Guiana, ganahan nga mopresentar sa ilang Primary sakrament miting. Malipayon silang mobasa sa ilang bahin ug nindot silang manganta. Ganahan sila sa Primary. Usa sa ilang paborito nga kanta mao ang “Ako Anak sa Dios” (Mga Himno ug mga Awit sa mga Bata, nu. 58).