Mga Ideya sa Family Home Evening

Kini nga isyu naglangkob og mga artikulo ug mga kalihokan nga mahimong magamit alang sa family home evening. Ang mosunod mao ang duha ka mga ideya.

“Pagtabang sa mga Bata nga Makaila sa Espiritu Santo,” pahina 10: Human og ribyu niini nga artikulo, ikonsiderar sa pagplano og mga kalihokan nga may kalabutan sa pagpaminaw, pagtan-aw ug paglihok nga makatabang sa inyong mga anak nga makakat-on kon sa unsang paagi ang Espiritu Santo mamulong ngadto kanila. Makabasa ug makadrama-drama mo og istorya kabahin sa Pasko. Makakat-on mo og mga himno ug mga awit sa Primary kabahin sa pagkatawo sa Manluluwas ug ipasundayag kini alang sa mga higala ug mga silingan. Mahimo mong mag-uban og tan-aw sa mga litrato sa Manluluwas o magbutang og belen sa makita nga dapit diha sa inyong balay. Makaplano mo og kalihokan sa pagserbisyo isip pamilya. Bisan unsay inyong gipili nga buhaton, tabangi ang inyong mga anak sa pag-ila kon ilang mabati ang Espiritu.

“Pagkahimong Mas Maayo nga mga Santos pinaagi sa Pakig-alayon sa Laing Tinuohan,” pahina 26: Ikonsiderar sa pagpangita og paagi sa pakig-interact sa laing tinuohan niining panahon sa Pasko. Mahimo mong moapil sa laing pamilya nga Kristiyano sa pagbasa sa istorya sa Pasko o mohimo og serbisyo. Mahimo ninyong dapiton ang usa ka pamilya nga dili Kristiyano sa pag-apil sa inyong family home evening ug magpuli-puli sa pagkat-on sa mga gituohan ug mga tradisyon sa usag usa. Inigkahuman ikonsiderar sa paghisgot sa inyong mga anak ang mga kamatuoran ang ilang nakat-unan gikan sa inyong mga higala.

Sa Inyong Pinulongan

Ang Liahona ug ubang mga materyal sa Simbahan anaa sa daghang mga pinulongan sa languages.lds.org.