2014
Misyon divin Jezikri: Egzanp
janvye 2014

Mesaj vizit nan fwaye, Janvye 2014

Misyon divin Jezikri: Egzanp

Nan lapriyè, etidye materyèl sa a epi chèche konnen kisa pou nou pataje. Nan ki jan konprann lavi ak misyon Sovè a ogmante lafwa nou nan li e beni moun n ap veye sou yo atravè vizit nan fwaye a? Pou plis enfòmasyon, ale nan reliefsociety.lds.org.

Lafwa, Fanmi, Sekou

Lè nou konprann ke Jezikri se egzanp nou nan tout bagay, nou ka ogmante dezi nou pou n suiv li. Ekriti yo ranpli ak ankourajman pou nou, pou n suiv tras pa Kris la. Kris la te di Nefit yo, “Paske se sa nou te wè m fè, nou dwe fè” (3 Nephi 27:21). Jezi te di Toma: “Se mwen menm ki chemen an. Se mwen menm ki verite a, se mwen menm ki lavi a. Pèsonn pa ka al jwenn Papa a si li pa pase nan mwen.” Jan 14:6

Jodia dirijan nou yo raple nou pou nou konsidere Sovè a kòm egzanp nou. Linda K. Burton, prezidant jeneral Sosyete Sekou a, te di: “Lè nou chak gen doktrin Ekspyasyon an byen ekri nan kè nou, lè sa n ap kòmanse vin kalite moun Senyè a vle nou ye a.”1

Prezidan Thomas S. Monson te di: “Senyè nou ak Sovè nou an, Jezikri, se Egzanp nou ak fòs nou.”2

Annou pran rezolisyon pou nou rapwoche nou de Jezikri, pou obeyi kòmandman l yo, ak eseye retounen al jwenn Papa nou ki nan Syèl la.

Nan Ekriti yo

2 Nefi 31:16; Alma 17:11; 3 Nefi 27:27; Mowoni 7:48

Nan Istwa Nou

“Li make chemen an epi l trase wout la,” se sa Eliza R. Snow, dezyèm prezidant jeneral Sosyete Sekou a, te di konsènan ministè Jezikri nan mòtalite a.3 Li te ministre tout moun—youn pa youn. Li te anseye ke nou dwe kite katrevendis-nèf yo pou n al sove yon grenn ki pèdi a (gade Lik 15:3–7). Li te geri ak anseye moun, li te menm pran tan pou chak moun nan yon miltitid ki te gen 2.500 moun (gade 3 Nefi 11:13–15; 17:25).

Konsènan fi Sen Dènye Jou yo, President Dieter F. Uchtdorf, Dezyèm Konseye nan Premye Prezidans lan te di: “Nou menm sè mèveye yo, nou rann lòt moun sèvis pou rezon ki depase dezi benefis pèsonèl nou. Nan sa, nou imite Sovè a. … Panse li sete sou fason li te ka ede lòt moun.”4

© 2014 pa Intellectual Reserve, Inc. Tout dwa rezève. Enprime nan Etazini Damerik. Apwobasyon anglè: 6/13. Apwobasyon tradiksyon: 6/13. Tradiksyon Visiting Teaching Message, January 2014. Haitian. 10861 036

Nòt

  1. Linda K. Burton, “Èske lafwa nan Ekspyasyon Jezikri a ekri nan kè nou?” Ensign or Liahona, Nov. 2012, 114.

  2. Thomas S. Monson, “Meeting Life’s Challenges,” Ensign, Nov. 1993, 71.

  3. “How Great the Wisdom and the Love,” Hymns, no. 195.

  4. Dieter F. Uchtdorf, “Happiness, Your Heritage,” Ensign oswa Liahona, Nov. 2008, 120.

Kisa M Ka Fè?

  1. Poukisa ak kijan Jezikri se egzanp mwen?

  2. Nan ki fason sèvi sè m ap vizite yo ede m suiv Sovè a?