Feia apî
Tau veʻaveʻa o te taviniraa
Te ora nei te taata papaʻi i Virginia, te mau Hau Amui no Marite.
I te hoê taime, i te tau veʻaveʻa, ua reva vau i te hoê fenua ê no te ohipa i rotopu i te tahi mau tamarii huru taa ê. I te taime matamua a farerei ai au i teie mau tamarii, ua taiâ roa vau. Aita hoʻi au i ite i to ratou reo, noa’tu râ ua ti‘aturi au e, e arata‘i te Varua ia’u i roto i ta’u mau raveraa e ratou. I to’u mâtauraa i te mau tamarii tata‘itahi, ua ite au e, e ere te reo i te hoê ohipa e tape‘a nei i te here. Inaha, ua ha‘uti au, ua ataata vau e ua raverave au e teie mau tamarii, e eita ihoa, ua tupu mai ihoa to’u here hope no ratou. Ua anapanapa mai to te Metua i te Ao ra here no Ta’na mau tamarii, e aita e faaauraa te oaoa tei faaî i to’u nei aau.
I te taime atoa e tavini au ia vetahi ê, e tupu mai teie here, eiaha no te taata noa ta’u e tavini ra, no to tatou atoa râ Metua i te Ao ra. E teie mau te ite tei noaa mai ia’u, oia hoʻi, « a tavini ai outou i te taata nei, te tavini ra ïa outou i to outou Atua ra » (Mosia 2:17). Te fâ no ta’u taviniraa, te mau ohipa totauturu rahi anei e aore râ te mau ohipa rii, no te faahanahanaraa ïa i te Atua (hi‘o Mataio 5:16). Maitai e, a tavini ai au ia vetahi ê, e ite mai ratou i to’u here no te Metua i te Ao ra, e tae noa’tu i te Maramarama o te Mesia e ama ra i roto ia’u.