Mesaj Premye Prezidans, Fevriye 2014
Sèvi Senyè a avèk Lanmou
Senyè a, Jezikri, te anseye: “Paske moun ki ta vle sove lavi l va pèdi li. Men, moun ki va pèdi lavi l pou mwen, la sove li” (Lik 9:24).
Prezidan Thomas S. Monson te di: “Sovè a di nou ke si nou pa lage tèt nou nan sèvis lòt moun, lavi nou pa p gen anpil sans. Moun ki viv pou tèt yo sèlman yo fini pa fletri e pèdi lavi yo nan sans figire, tandiske moun ki lage tèt yo nan sèvi lòt moun, yo pwogrese epi yo fleri—epi konsa yo reyèlman sove lavi yo.”1
Nan ekstrè sa yo ki soti nan ministè Prezidan Monson, li raple Sen Dènye Jou yo ke se nan men Senyè a yo ye epi benediksyon letènite yo ap tann moun ki fidèlman sèvi lòt moun.
Sèvis nan tanp
“Se gwo sèvis nou rann lè nou akonpli òdonans pa pwokirasyon pou moun ki deja ale nan lòtbò vwal yo. Nan anpil ka, nou pa konnen moun n ap fè travay pou yo yo. Nou pa espere okenn remèsiman, ni nou pa gen okenn asirans ke y ap aksepte sa n ap ofri yo a. Men, nou sèvi, epi nan pwosesis la nou atenn sa nou ka resevwa atravè bagay sa a sèlman: nou literalman vin tounen sovè sou Mòn Siyon. Menmjan Sovè nou an te bay lavi li kòm sakrifis pa pwokirasyon pou nou an, se konsa nou menm tou, nan ti mezi pa nou, nou fè lè nou akonpli travay pa pwokirasyon nan tanp pou sila yo ki pa gen mwayen pou avanse yo, sof si nou menm ki isit la sou tè a nou fè yon bagay pou yo.”2
Nou nan men Senyè a
“Frè m ak sè m yo, nou antoure pa moun ki bezwen atansyon nou, ankourajman nou, sipò nou, rekonfò nou, jantiyès nou—yo gen dwa se manm fanmi nou, zanmi, relasyon nou, oswa etranje. Nou nan men Senyè a isit la sou tè a, avèk manda pou nou sèvi ak edifye pitit li yo. Li konte sou nou chak. …
“Sèvis sa a yo aple nou chak pou nou fè a se sèvis Senyè a, Jezikri.”3
Sèvi nan lonbraj Sovè a
“Nan Nouvo Mond lan, Senyè resisite a te deklare: ‘Nou konnen ki bagay nou dwe fè nan legliz mwen an; paske nou dwe fè zèv nou te wè m fè yo, paske se sa nou te wè m fè, nou dwe fè’ [3 Nefi 27:21].
“Nou beni lòt moun lè nou sèvi nan tras ‘Jezi Nazarèt … ki te mache toupatou ap fè byen an’ [Travay 10:38]. Bondye ba nou benediksyon pou nou jwenn lajwa nan svi Papa nou ki nan syl la pandan n ap svi pitit li yo sou tè a.”4
Bezwen pou nou sèvi a
“Nou bezwen yo ba nou yon chans pou nou sèvi. Pou manm ki tonbe nan inaktivite oubyen pa vini ankò e ki pa pran angajman ankò yo, nou kapab chèche nan lapriyè pou nou jwenn kèk mwayen pou lonje lamen ba yo. Mande yo pou yo sèvi nan kèk kapasite se kapab jis pouch yo bezwen pou retounen vin aktif ankò a. Men dirijan ki ka ede yo nan bagay sa yo pafwa konn yon tijan pa vle fè sa. Nou bezwen sonje ke moun ka chanje. Yo ka kite move abitid yo genyen. Yo ka repanti pou transgresyon yo. Yo ka detni prètriz la diyman. Epi yo ka sèvi Senyè a ak dilijans.”5
Èske nou fè tout sa nou ta dwe fè?
“Mond lan bezwen èd nou. Èske nou fè tout sa nou ta dwe fè? Èske nou sonje pawòl Prezidan John Taylor yo: ‘Si nou pa mayifye apèl nou, Bondye ap mande nou kont pou moun nou te ka sove si nou te ranpli devwa nou yo’? [Enseignements des présidents de l’église: John Taylor (2001), 164]. Gen pye pou nou fòtifye, men pou nou kenbe, lespri pou nou ankouraje, kè pou nou enspire, ak nanm pou nou sove. Benediksyon letènite yo ap tann ou. Nou gen privilèj pou nou pa espektatè ankò men pou nou patisipan nan zafè … sèvis.”6
© 2014 pa Intellectual Reserve, Inc. Tout dwa rezève. Enprime nan Etazini Damerik. Apwobasyon anglè: 6/13. Apwobasyon tradiksyon: 6/13. Tradiksyon First Presidency Message, February 2014. Haitian. 10862 036
Ansèyman nan mesaj sa a
“Si ou gen lanmou kretyen, w ap pi byen prepare pou anseye levanjil la. W ap jwenn enspirasyon pou ede lòt moun konnen Sovè a ak suiv li.”7 Panse pou w priye pou w gen plis charite pou moun w ap vizite yo. Si ou devlope lanmou kretyen pou yo, w ap pi byen kapab sèvi Senyè a ak moun w ap anseye yo nan fason pi siyifikan.