Yut
Wan Ansa long Prea blong Hem
Raeta ia i stap long Gauteng, Saot Afrika.
Long wan naet, wan fren blong wan nara bilif i kam visitim mi. Oltaem mi stap stadi long ol skripja blong mi miwan, mo mi bin tekemaot ol skripja long naet ia blong stadi. Mi filim blong askem hem blong joenem mi long skripja stadi blong mi, be mi bin fraet mo stat blong stadi miwan. Mi save se mi no bin wantem lisin long Spirit. Long sam minit i pas mi askem: “?Yu laekem blong stadi ol skripja wetem mi?” Fren blong mi i no fraet mo i ansa “Yes.”
Mitufala i rid long Buk blong Momon. Hem i askem mi sam kwestin, mo mi bin filim Spirit i lidim mi blong ansa. Mi talemaot testemoni blong mi se Buk blong Momon i tru. Afta long hemia, hem i talem long mi: “Mi bin krae mo stap fraet ful dei. Mi prea long God blong kasem help taem yu askem mi blong ridim skripja wetem yu. Naoia, mi filim moa gud. Tangkyu.”
Lod i yusum mi olsem wan tul blong ansarem prea mo givim seves long wan long ol pikinini blong Hem long nid. Mi save se blong folem Spirit hem i wan tabu wok we i kam long wan Papa we i waes, mo i hae. Taem yumi karemaot ol fraet blong yumi, yumi stap letem hem blong soemaot paoa blong Hem taem yumi stap obei.