2014
Misyon divin Jezikri: Sèvi
out 2014

Mesaj Vizit nan fwaye, Out 2014

Misyon divin Jezikri: Sèvi

Etidye materyèl sa a nan lapriyè epi chèche konn kisa pou nou pataje.Nan ki fason konprann lavi ak misyon Sovè a ogmante lafwa nou nan li epi beni moun n ap veye sou yo atravè vizit nan fwaye a?Pou plis enfòmasyon ale nan reliefsociety.lds.org.

Lafwa, Fanmi, Sekou

Ekriti yo anseye ke nou ka demere nan prezans Bondye “akoz merit, ak mizèrikòd ak lagras Mesi ki Sen an” (2 Nefi 2:8). Mesi se “yon mo Arameyen ak Ebre ki vle di ‘wen an.’ … Nan Nouvo Testaman an yo rele Jezi Kris la, ki se ekivalan Grèk pou Mesi. Sa vle di Pwofèt, Prèt, Wa, ak Liberatè.”1

Èldè Jeffrey R. Holland nan Kolèj Douz Apot yo te temwaye: “Mwen konnen [Jezikri] se Sen Izrayèl la, Mesi a ki gen pou retounen nan laglwa finalman an, pou l reye sou tè a antanke Senyè tout senyè ak Wa tout wa. M konnen pa gen okenn lòt non anba syèl ble a ki kapab sove lèzòm e se sèlman si nou repoze totalman sou merit, mizèrikòd ak lagras enfini li nou kapab sove.”2

Prezidan Dieter F. Uchtdorf, Dezyèm Konseye nan Premye Prezidans lan, te di: “[Jezikri] se Sovè ak Redanmtè mond lan. Li se Mesi pwomi a. Li te mennen yon lavi ki te pafè e li te ekspye pou peche nou yo. L ap toujou bò kote nou. L ap konbat pou nou. Li se espwa nou; Li se sali nou, li se chemen an.”3

Ekriti adisyonèl

Jan 1:38–41; 4:25–26, 40–42; 2 Nefi 6:13; 25:16–17

Nan ekriti yo

Disip fi Kris la yo te temwen wòl li antanke Mesi a. Mari Magdala sete yon disip Jezikri. Li sete premye moun ki te wè “yo te wete wòch ki te fèmen bouch kavo a” jou maten Rezirèksyon Kris la. Li te “rete kanpe tou kavo a ap kriye” apre l te fin dekouvri ke kò a pa t nan kavo a ankò.

Epi “li vire tèt li, li wè Jezi ki te kanpe la, men li pa t rekonèt si sete Jezi.

“Jezi mande li, Madanm, poukisa w ap kriye konsa? Ki moun w ap chèche? Mari menm te kwè sete mèt jaden an, se poutèt sa li te di l, Mesye, si se ou menm ki wete l, di m ki bò ou mete li. Ma v al pran li.

“Jezi di li, Mari. Mari vire bò kot Jezi, li di l an lang ebre, Rabouni; sa vle di: Mèt” (Gade Jan 20:16).

© 2014 pa Intellectual Reserve, Inc. Tout dwa rezève. Enprime nan Etazini Damerik. Apwobasyon Anglè: 6/14. Apwobasyon Tradiksyon: 6/14. Tradiksyon Visiting Teaching Message, August 2014. Haitian. 10868 036

Nòt

  1. Guide to the Scriptures, “Messiah”; scriptures.lds.org.

  2. Jeffrey R. Holland, “The Only True God and Jesus Christ Whom He Hath Sent,” Liahona, Nov. 2007, 42.

  3. Dieter F. Uchtdorf, “The Way of the Disciple,” Liahona, Me 2009, 78.

Panse sou sa

Poukisa li enpòtan pou nou konprann wòl Sovè a antanke Mesi a?