Tub Hluas Ntxhais Hluas

Tej Lus Ntuas Thaum Nyuaj Xaiv

Thawj Tswj Hwm Henry B. Eyring, tus Pab Cuam thib Ib hauv Thawj Pawg Thawj Tswj Hwm, qhia txog ib zaug thaum nws ua raws li tus yaj saub tej lus ntuas. Nyob hauv ib lub tuam rooj sab laj, Txwj Laug Ezra Taft Benson (1899–1994) hais kom cov mej zeej tsis txhob tshuav nqi—qhov tseem ceeb yog nqi yuav tsev.

Thawj Tswj Hwm Eyring hais tias, “Kuv tig mus rau kuv tus poj niam tom qab kev sib ntsib ntawd thiab nug hais tias, ‘Koj puas xav tias muaj ib txoj kev uas peb yuav ua tau li ntawd?’ Thaum xub thawj peb xav tsis tawm txog ib qho hlo li.” Tiam sis thaum hmo ntuj ua rau nws xav txog ib lub vaj tsev uas nkawd muag tsis tau tau ntev. “Wb tso siab rau Vajtswv thiab … Nws tus tub qhe zaj lus, [yog li ntawd] wb cia li hu xov tooj. … Kuv hnov ib lo lus teb uas txhawb kuv txoj kev tso siab rau Vajtswv thiab Nws cov tub qhe txij thaum ntawd los.” Tib hnub ntawd ib tug txiv neej twb xav yuav tsev neeg Eyring lub vaj tsev ntawd them nyiaj ntau tshaj nkawd tus nqi yuav nkawd lub tsev. Tsev neeg Eyring tsis tshuav nqi hlo li (saib “Cia Siab rau Vajtswv, Ces Cia Li Mus thiab Ua,” Liahona, Nov. 2010, 72–73).

Tej zaum koj tsis muaj nqi tsev uas koj yuav tsum them, tiam sis cov yaj saub tej lus ntuas yuav pab coj koj tam sim no thaum nej txiav txim txog koj txoj hauj lwm, kev kawm ntawv, kev ua tub txib, thiab kev tham hluas nkauj hluas nraug. Nrog koj tsev neeg los yog cov phooj ywg tham seb koj ua yuav ua dab tsi thiaj ua raws li cov yaj saub hais thaum koj yuav tsum txiav txim siab.