Mesaj vizit nan fwaye, Janvye 2015
Kalite Jezikri: Pitit Gason Obeyisan
Etidye materyèl sa a nan lapriyè epi chèche konnen kisa pou w pataje. Nan ki fason konprann lavi ak misyon Sovè a ogmante lafwa nou nan li epi beni moun n ap veye sou yo atravè vizit nan fwaye a? Pou plis enfòmasyon, ale nan reliefsociety.lds.org.
Lafwa, Fanmi, Sekou
Suiv egzanp obeyisans Jezikri ap ogmante lafwa nou nan Li. Èldè Jeffrey R. Holland nan Kolèj Douz Apot you te di: “Èske sa etonan pou Kris la chwazi toudabò e avantou pou defini tèt li parapò avèk papa li—ke l te renmen li e obeyi li e soumèt a li tankou pitit gason lwayal ke li te ye a? … Obeysans se premye lwa syèl la.”1
Ekriti yo anseye: “Epi lè nou resevwa nenpòt benediksyon nan men Bondye, se nan obeyisans lalwa sa a kote benediksyon an tabli a” (D&A 130:20–21). Pwogresyon espirityèl nou fèt lè nou apwoche Bondye atravè obeyisans epi nou envite pouvwa Sakrifis Ekspyatwa Sovè a nan lavi nou.
Èldè D. Todd Christofferson nan Kolèj Douz Apot yo te di: “Lè nou obeyi prensip ak kòmandman yo nan levanjil Jezikri a, nou jwi yon foul benediksyon kontinyèl ke Bondye pwomèt nan alyans Li fè avèk nou an. Benediksyon sa yo banou fòs nou bezwen pou nou aji olye nou senpleman kite moun ap aji pou nou pandan n ap travèse lavi a. … Obeyisans ba nou pi gwo kontwòl sou lavi nou, pi gwo kapasite pou nou vini ale, pou nou travay ak kreye.”2
Ekriti adisyonèl
Nan Ekriti yo
Èldè David A. Bednar nan Kolèj Douz Apot yo te mande: “Èske fòs espirityèl ki soti nan konstamman obeyi kòmandman yo nou ka bay yon lòt moun ni?” “Repons lan se klèman … non.”3
Parabòl dis vyèj yo se yon egzanp sou prensip sa a. Pandan ke tout vyèj yo te pote lanp yo pou “al rankontre mesye marye a,” se sèlman senk ki te saj e ki te pote luil pou yo te mete nan lanp yo. Lòt senk yo pa t saj paske yo “pat pote luil avèk yo.”
Epi, nan mitan nuit la yon rèl te pati: “Men mesye marye a ap vini; annou al rankontre li.” Tout vyèj yo te prepare lanp yo, men vyèj ki pa t saj yo pa t gen luil. Yo te di vyèj saj yo: “Tanpre, ba nou yon ti gout nan luil ou an; paske lanp nou yo ap mouri.”
Vyèj saj yo te reponn: “Non, nou pa kapab; paske pa gen ase pou nou tout: Pito n al achte nan men machann yo.” Epi pandan vyèj ki pa t saj yo te ale a, mesye marye a te vini epi vyèj saj yo te ale avèk li epi yo te “fèmen pòt la.”
© 2015 pa Intellectual Reserve, Inc. Tout dwa rezève. Enprime nan Etazini Damerik. Apwobasyon Anglè: 6/14. Apwobasyon tradiksyon: 6/14. Tradiksyon Visiting Teaching Message, January 2015. Haitian. 12581 036
Konsidere bagay sa a
Ki kèk egzanp nou genyen sou obeyisans nan ekriti yo?