Mesaj Vizit nan fwaye, Out 2015
Karakteristik divin Jezikri: Dou ak Enb
Etidye materyèl sa a nan lapriyè epi chèche konnen kisa pou w pataje. Nan ki fason konprann lavi ak misyon Sovè a ogmante lafwa nou nan li epi beni moun n ap veye sou yo atravè vizit nan fwaye a? Pou plis enfòmasyon, ale nan reliefsociety.lds.org.
Lafwa, Fanmi, Sekou
Jezi te di: “Sa k pi gran nèg nan mitan nou an, se pou l tankou pi piti a; sa k ap kòmande a, se pou l tankou sa k ap sèvi a. Paske, kilès ki pi gran nèg: moun ki chita bò tab la, osinon moun k ap sèvi l la? Moun ki chita bò kote tab la, pa vre? Men, mwen menm, mwen nan mitan nou tanke moun k ap sèvi a” (Lik 22:27).
Sovè a se egzanp siprèm nou sou pouvwa imilite ak soumisyon. Apretou, lefèt ke li te soumèt volonte li anba volonte Papa a te pèmèt li reyalize evenman ki pi gran e menm pi puisan nan tout listwa a. Petèt kèk nan pawòl ki pi sakre nan tout ekriti yo se senpleman sa yo: ‘Se pa volonte m ki pou fèt, se volonte pa ou’ (Lik 22:42).”1
Antanke disip Jezikri, nou toujou ap chèche pou nou vin tankou li Èldè Ulisses Soares, nan Swasanndis yo, te di:“Dousè se bagay ki esansyèl pou nou ka vin pi sanble ak Kris la. San li menm, nou pa ka kiltive lòt vèti enpòtan yo. Lè yon moun dou, sa pa vledi ke li fèb men, sa vledi li kondi tèt li avèk bonte ak jantiyès, li montre li gen fòs, serenite, yon santiman valè tèt li ak metriz tèt li.”2 Si nou travay pou devlope kalite sa a, n ap vin wè ke “Lè nou enbleman soumèt volonte nou anba volonte Papa a, sa ba nou pouvwa Bondye a—pouvwa imilite. Se pouvwa pou nou afwonte eprèv lavi yo, pouvwa lapè, pouvwa lesperans, pouvwa yon kè ki vibre anba amou pou Sovè a, Jezikri, ak yon temwayaj konsènan li, ki se pouvwa redanmsyon an.”3
Ekriti adisyonèl
Nan Ekriti yo
Youn nan moman ki te pi dou ak pi puisan nan ministè Kris la sete lè li te lave pye disip li yo. “Li te leve sot devan tab la, li wete rad li, li pran yon sèvyèt, li mare nan ren li. Apresa, li vide dlo nan yon kivèt, epi li kòmanse lave pye disip li yo, epi li siye yo ak sèvyèt li te mare nan ren l lan” (Jan 13:4–5).
Lè Sovè a te entwodui òdonans sa a, disip yo te petèt santi yo te emosyone dèske Senyè yo ak Mèt yo a te mete ajenou devan yo pou l te akonpli yon sèvis si dou konsa. Lè sa a, Jezi te eksplike leson li te vle pou yo menm ansanm avèk nou tout aprann nan:
“Si mwen menm, ki Senyè nou ak Mèt nou, mwen lave pye nou; konsa tou, nou menm, se pou nou youn lave pye lòt.
“Paske, mwen ba nou yon egzanp, pou nou ka fè menm bagay mwen te fè pou nou an” (Jan 13:15).
© 2015 pay Intellectual Reserve, Inc. Tout dwa rezève. Enprime nan Etazini Damerik. Apwobasyon anglè: 6/15. Apwobasyon tradiksyon: 6/15. Tradiksyon Visiting Teaching Message, August 2015. Haitian Creole 12588 036
Konsidere bagay sa a
Nan ki fason imilite ka ede nou renmen jan Sovè a te renmen an?