iTabagone

Cakacakataki ni masu

E vakavuvulitaka o Peresitedi Eyring ni nomu matavuvale ena rawa ni kalougata ena nomu veiwekani voleka sara kei na Tamada Vakalomalagi. Ko na rawa ni vakatorocaketaka na nomu veiwekani kei Koya ena nomu vakatorocaketaka na nomu masu! Oqo eso na vakasama ko rawa ni vakayagataka:

Ni bera ni o tekivu masu vakasamataka mada na veika ko vinakata mo na kaya. Vakasamataka na taro e tiko vei iko mo taroga se na veika ena vakasosataki iko tiko—sa na rawa ni ko vola tiko me kakua ni ko na guilecava. Vakayagataka na gauna oqo mo vagalalataka kina na nomu vakasama mai na osooso ni siga ko ya me rawa ni ko vakanamata kina veivakauqeti ni Yalo Tabu. Kevaka me na mani veigoleyaki na nomu vakasama ena gauna o masu tiko kina tovolea mo raitayaloyalotaka na Tamada Vakalomalagi ni vakarogoci iko tiko. Tukuna ga na ka o gadreva. Vagalalataka talega e vica na miniti ni sa mai cava na masu mo vakarogoca kina na veivakauqeti ni Yalotabu. Vola na veika o vakila ena nomu ivolaniveisiga.

Nanuma ni masu e vaka na cakacaka, kakua ni leqataka kevaka mena taura e so na gauna ni vakatovotovo se vaka e dredre! Na veika o sasagataka ena nomu masu ena vukei iko mo vakacokotaka kina e dua na veiwekani kei na Kalou ka na vakalougatataki ira e vica na itabatamata.