Mesaj Vizit nan fwaye, Oktòb 2015
Karakteristik divin Jezikri: Ranpli ak charite ak lanmou
Etidye materyèl sa a nan lapriyè epi chèche konnen kisa pou w pataje. Nan ki fason konprann lavi ak misyon Sovè a ogmante lafwa nou nan Li e beni moun n ap veye sou yo atravè vizit nan fwaye yo? Pou plis enfòmasyon ale nan reliefsociety.lds.org.
Lafwa, Fanmi, Sekou
Gid Ekriti yo defini charite kòm “kalite lanmou ki pi wo, ki pi nòb, ak pi solid la” “Charite”. Se amou pi Jezikri. Si nou aprann sou Jezikri epi nou eseye vin menmjan avèk li, n ap kòmanse santi amou pi li nan lavi nou epi n ap santi nou pouse pou nou renmen ak sèvi lòt moun jan l ta fè a. Prezidan Thomas S. Monson di: “Charite se gen pasyans avèk yon moun ki kite nou tonbe.” “Se reziste anba santiman pou nou vin fasilman ofanse a. Se aksepte feblès ak erè. Se aksepte moun jan yo vrèman ye a. Se gade odela aparans fizik pou nou chèche kalite ki pap febli avèk letan. Se reziste anba santiman pou nou kategorize lòt moun nan.”1.
Nan Liv Mòmon an, nou aprann gwo verite ke nou dwe “priye Papa a avèk tout enèji kè nou pou [nou] kapab chaje avèk lanmou l li te devèse sou tout moun ki se vrè disip Pitit Gason li a, Jezikri; pou [nou] kapab vin tounen pitit gason [ak pitit fi] Bondye; pou lè l parèt pou nou kapab tankou l paske n ap wè l jan li ye a; pou nou kapab gen esperans sa a pou nou pirifye menmjan li pi a” (Mowoni 7:48).
Ekriti adisyonèl
Jan 13:34–35; 1 Korentyen 13:1–13; 1 Nefi 11:21–23; Etè 12:33–34
Nan Istwa Nou
“Yon sè ki te fèk vin vèv te rekonesan pou enstriktris nan fwaye li ki te kriye avèk li epi rekonfòte li. Li te ekri: “Mwen te dezespereman bezwen yon moun pou te epole m; yon moun ki t ap koute mwen. … Epi yo te koute. Yo te konsole mwen. Yo te kriye avèk mwen. Epi yo te ban m akolad … [epi] yo te ede m soti nan pwofon dezespwa ak depresyon premye mwa solitid sa yo.’
“Yon lòt sè te di kisa l te santi lè l te resevwa vrè charite nan men yon enstriktris nan fwaye: ‘Mwen te konnen ke m te plis pase jis yon nimewo nan liv rejis yo pou li. M te konnen ke li te sousye pou mwen.’”2
Tankou sè sa yo, anpil Sen Dènye Jou toupatou nan mond lan kapab temwaye de verite deklarasyon sa a Prezidan Boyd K. Packer (1924–2015), ki sete Prezidan Kolèj Douz Apot yo, te fè a: “Ala sa rekonfòtan pou n konnen ke, kèlkeswa kote [yon fanmi] ale, gen yon fanmi legliz k ap tann ni. Osito ke yo rive, mesye a ap fè pati yon kowòm prètriz epi fi a ap fè pati Sosyete Sekou.”3
© 2015 pa Intellectual Reserve, Inc. Tout dwa rezève. Enprime nan Etazini Damerik. Apwobasyon anglè: 6/15. Apwobasyon tradiksyon: 6/15. Tradiksyon Visiting Teaching Message, October 2015. Haitian Creole 12590 036
Konsidere bagay sa a
Nan ki fason Kris la se egzanp pafè nou sou lanmou ak charite?