Jèn yo

Mete gaz nan tòch ou a: Tès 30 jou a

Pou jèn yo nan Legliz la ki gen lavi okipe yo, li fasil pou yo pran nan yon woutin, espesyalman nan zafè bagay espirityèl yo. Nou li ekriti nou, nou priye, epi nou adore nan menm fason an prèske chak jou epi apresa n ap mande pouki nou sanble nou pap pwogrese espirityèlman.

Youn nan pi bon fason pou nou kenbe tòch espirityèl nou limen se lè nou asire ke n ap fè eksperyans espirityèl ki siyifikan. Men, se yon bagay ki pi fasil pou nou di pase pou nou fè, konsa, men yon sigjesyon pou ede ou kontinye pwogrese espirityèlman: Panse ak yon aktivite anrapò avèk levanjil la ou te fè anvan (oubyen ou pa t janm fè) epi pran angajman pou w fè l chak jou pandan yon mwa. Ou ka kòmanse piti paske w ap twouve ke l pi fasil pou fè ti chanjman yo vin tounen chanjman k ap dire. Antreprann bagay k ap fè nou soti nan zòn konfò espirityèl nou kapab mande plis lafwa ak plis efò bò kote pa nou, men, lè nou fè yo, nou envite Sentespri a pou l rete avèk nou, epi nou montre pi gwo lafwa nan Pè Selès la ak yon dezi pou nou rapwoche nou de li. Men kèk ide pou ou derape:

• Fikse bi pou fè priyè ou maten ak aswè. Eseye priye fò.

• Reveye 15 minit pi bonè epi li ekriti yo anvan w al lekòl.

• Li diskou konferans jeneral ki pase yo.

• Poste yon ekriti nan Liv Mòmon an nan medya sosyal.

• Koute kantik oubyen mizik Legliz la olye de mizik regilye w yo.