Tub Hluas Ntxhais Hluas

Ua Kom Koj tus Tsau Cig:

Cov tub hluas ntxhais hluas nyob hauv lub Koom Txoos uas muaj ntau yam ua hauv lawv lub neej, yeej yooj yim pheej ua tej yam zoo li qub, tsis hais tej yam ntawm sab ntsuj plig los yog. Peb nyeem peb cov vaj lug kub, thov Vajtswv, thiab teev tiam txhua hnub zoo ib yam ces peb xav paub seb vim li cas peb sab ntsuj plig tsis muaj zog.

Ib txoj kev zoo tshaj uas yuav pab koj tus tsau ntawm sab ntsuj plig cig loj yog txoj kev ua tib zoo kawm tej yam ntawm sab ntsuj plig uas muaj nqi heev. Tiam sis qhov ntawd yeej tsis yooj yim ua, yog li ntawd nov yog ib qho uas yuav pab koj loj hlob ntawm sab ntsuj plig mus ntxiv: Cia li xav txog ib qho ntawm txoj moo zoo uas koj tsis tau ua dua (los sis tsis ua pes tsawg) thiab cog lus tias koj yuav ua txhua hnub tau ib lub hlis. Koj pib ua ib qho me me los tau vim koj yuav kawm tias yeej yooj yim dua kom muab tej yam me me uas koj hloov los ua tej yam uas kav ntev. Tej zaum peb yuav tsum muaj kev ntseeg thiab rau siab ntxiv thaum peb ua tej yam ntawm sab ntsuj plig uas peb tsis tshua paub ua, tiam sis peb ua tej ntawd, peb thov kom tus Vaj Ntsuj Plig Dawb Huv nrog peb nyob, thiab peb qhia tias peb muaj kev ntseeg Leej Txiv Saum Ntuj Ceeb Tsheej loj dua thiab xav los nyob ze Nws. Nov yog ob peb lub tswv yim kom pab tau koj:

Cuab hom phiaj hais tias koj yuav thov Vajtswv txhua hnub txhua hmo. Cia li sim thov Vajtswv nrov.
Tsim los 15 feeb ua ntej thiab nyeem vaj lug kub ua ntej koj kawm ntawv.
Cia li nyeem tej zaj hais lus ntawm lub tuam rooj sab laj tas los.
Tso ib nqe vaj lug kub los ntawm Phau Ntawv Maumoos rau kev sib tham hauv Internet.
Mloog tej zaj nkauj qhuas Vajtswv los yog zaj nkauj los ntawm lub Koom Txoos pauv tej zaj uas koj pheej mloog.