Te Onimaki Bon te Rinerine

Unimwane Neil L. Andersen man te Kooram n Abotoro n te Tengaun ma Uoman, “Te onimaki bon tiaki man reken am tai, ma man am rinerine,” Riaona, Nobembwa 2015, 65.

Photograph of members watching conference in Kyiv, Ukraine. Shot by Marina Lukach.

“Onimakinan Iesu Kristo tiaki te bwai ae bebete, ma ni beibeti n te ang. E aki manennanti n roko te onimaki ke n tiku bwa ara bwai. E taku koroboki aika a tabu, ‘te aki nanokokoraki …, ae kakoauani baika a aki noraki’ [Ebera 11:1]. Te Onimaki te bwai ae oota, ao te ota anne e ootanako. Onimakinan Iesu Kristo bon te bwai n tangira ae e roko ngkai ti rineia ni kakoaua, ao ngkai ti ukeuke n taua ni kamatoaa. E kona ni korakora ke ni mamara te onimaki. Te Onimaki bon boton te mwaaka, ae e kakawaki tiaki tii n te maiu aei, ma i nanon waakin maiura i tinanikun te roki. N ana akoi Kristo, ao ti kamaiuaki n ara onimaki N arana. Mwaitin am onimaki n taai aika a na roko bon tiaki man reken am tai, ma man te rinerine.”