Kairake
Aan Au Kakoaua
E maeka te tia korokaraki i Idaho, USA.
Ngke te 16 au ririki, e kaoti temanna raoraou ni mweengau ma mitinare. Inanon moan au namwakaina n reirei ma mitinare, a bane ni kaekaaki au titiraki n ae e itiaki. I namakina te Tamnei ae Raoiroi ni kaota koauan te rongorongo ibukin Kaokan te Euangkerio. Tiaki n aron te bwai ae I a kaman tia n namakinna, ao I ataia bwa a bane ni koaua.
E ngae n anne, I rinanon riki te totoko ao te kakaitara nakon are mai imwaaina. I namakina te maroaa, te kua ao te aki ota. Ngke I karaoa te bwai ae eti, bukin tera I kaitaraaki ma te kaangaanga ae moan te bati? I aki ota bwa a kanga katakiu n riki bwa tamaroau. A reireinai mitinare aron te aki mamatam ao te tataro, e ngae ngke ti a roko inuukan bongin te reirei. Ngkana I aki kona n totokoi taian kaangaanga I moanna n tataro ma nanou ao n te tai ae waekoa I namakina ana karaunano te Tamnei.
Wiikin au bwabetito e kaonaki ma taian kakatai. E kakamaakai au bwaoti bwa e na kabaneai ngkana I aki taona au bwabetito bwa e na oneaki mwiiu iroun te manna, tokina I a rokoroko n te onaoraki ao e kuneaki bwa ngaia iai baika a kuneaki inanon au kirine, ao au karo a tuangai bwa ti na kitana mweengara. Ma bwaai aika a mwaiti ake I aki kona n taobarai, te bwai ae tii kona ni karaoia bon rairakiu nakon te Uea.
Kakatai nako akanne a riki bwa kabwaiau. A buokai n reiakina taekan tuan te euangkerio, are e katauraoa nakoiu aan au kakoaua.