Jèn yo
Yon Fondasyon pou Temwanyaj Mwen
Otè a ap viv Idawo, nan Etazini.
Lè m te gen 16 an, yon zanmi te vin lakay nou avèk misyonè yo. Nan lespas yon mwa apre premye diskisyon an, m te jwenn repons pou tout kesyon m yo avèk klate. Mwen te santi Sentespri a temwanye de verite mesaj osijè Retablisman yo. Se te tankou yon bagay m pa t janm konn santi anvan, epi m te konnen tout sete laverite.
Men, mwen te sibi plis rejè ak opozisyon pase tout tan anvan sa. Mwen te santi’m pou kont mwen, fatige, plen konfizyon. Si m t ap fè bon bagay la, poukisa m t ap rankontre tout advèsite sa yo? Mwen pa’t kakonprann kòman eprèv mwen yo se te pou byen m. Misyonè yo te ansenye m pou m jene epi priye, menm nan mitan yon jou lekòl. Lè bagay yo te vin ensipòtab m te konn devèse kè m epi imedyatman santi rekonfò Lespri a.
Semèn batèm mwen an te plen eprèv. Patwon m te menase pou li revoke m si m pa rate batèm mwen pou m te ka vin travay pou yon lòt moun, mwen te fini pa ateri lopital avèk pyè nan ren, epi paran m te mande m pou m kite kay la. Avèk tout bagay sa yo m pa t ka kontwole yo, sèl sa m te ka fè se tounen vè Senyè a.
Chak eprèv sa yo te vin pou byen m. Yo te ede m aprann doktrin levanjil yo, ki te ban m yon fondasyon pou temwanyaj mwen.