Cov Hluas
Lub Hauv Paus rau Kuv zaj Lus Tim Khawv
Tus sau zaj no nyob hauv Idaho, USA.
Thaum kuv muaj 16 xyoo, ib tug phooj ywg tuaj nrog ob tug tub txib rau peb lub tsev. Ib hlis tom qab thawj zaj lus qhia, nkawd yeej teb tag nrho kuv tej lus nug meej heev. Kuv hnov tus Vaj Ntsuj Plig Dawb Huv ua tim khawv txog qhov tseeb ntawm qhov uas tau muab txoj moo zoo Txum Tim Rov Qab Los. Yeej tsis zoo li txhua yam uas kuv twb hnov dhau los, thiab kuv paub hais tias tag nrho txoj moo zoo muaj tseeb.
Tiam sis, kuv haj yam muaj kev fab ntxeev thiab kev tawm tsam kuv. Kuv kho siab, nkees, thiab ua xyem xyav. Yog kuv ua ib qho zoo, vim li cas kuv muaj ntau yam kev ntxhov siab? Kuv tsis to taub vim li cas kuv tej kev sim siab yuav pab kuv. Ob tug tub txib qhia kuv kom kuv yuav yoo mov thiab thov Vajtswv, txawm yog kuv tseem kawm ntawv thaum nruab hnub los yog. Thaum kuv nyuaj siab dhau kuv thov Vajtswv kawg siab kawg ntsws thiab tom qab ntawd kuv yeej hnov tau tus Ntsuj Plig nplij kuv lub siab.
Lub lim tiam uas kuv ua kev cai raus dej yeej muaj kev sim siab ntau heev. Kuv tus saib xyuas hauj lwm hais tias nws yuav ntiab kuv tawm yog kuv tsis pauv lwm tus chaw thaum tib lub sij hawm uas kuv yuav ua kev cai raus dej, kuv nyob hauv lub tsev kho mob vim kuv muaj mob txeeb zis, thiab kuv niam kuv txiv hais kom kuv khiav ntawm peb lub tsev. Vim muaj ntau yam kev kub ntxhov heev, tib qho kuv ua tau yog tig mus rau tus Tswv.
Txhua yam kev sim siab yeej pab kuv thaum kawg. Tej ntawd tau pab kuv kawm txog cov lus qhuab qhia ntawm txoj moo zoo, kuv thiaj li muaj lub hauv paus rau kuv zaj lus tim khawv.