Mesaj Vizit nan fwaye, Fevriye 2016
Maryaj se yon bagay Bondye òdone
Etidye materyèl sa a nan lapriyè epi chèche konnen kisa pou w pataje. Kijan konprann ’Fanmi: Yon Pwoklamasyon pou Mond lan’’ ka ogmante lafwa nou nan Bondye e beni moun n ap veye sou yo atravè vizit nan fwaye yo? Pou plis enfòmasyon, ale nan reliefsociety.lds.org.
Lafwa, Fanmi, Sekou
Pwofèt, apot, ak dirijan yo kontinye “pwoklame solanèlman ke maryaj ant yon gason ak yon fi se bagay Bondye òdone epi fanmi se pwen santral nan plan Kreyatè a.”1
Èldè D. Todd Christofferson nan Kolèj Douz Apot yo te di: ”Yon fanmi ki bati sou maryaj ant yon gason ak yon fi bay pi bon ankadreman pou plan Bondye a reyisi. …
“… Ni nou menm, ni okenn lòt moun mòtèl pa ka chanje lòd diven maryaj la.“2
Bonnie L. Oscarson, Prezidant Jeneral Jènfi yo, te di: “Kèlkeswa sikonstans marital yo oubyen kantite timoun yo genyen, tout moun kapab defann plan Senyè a ki dekri nan pwoklamasyon sou fanmi an. Si sa se plan Senyè a l ye, li ta dwe plan pa nou tou!“3
Èldè Christofferson te kontinye: “Gen nan nou ki pa gen benediksyon pou nou marye pou rezon ki enkli mank posiblite ki akseptab, yon atirans pou moun menm sèks avèk nou, pou andikap fizik oswa mantal, ou senpleman akoz nou pè echèk. … Oubyen petèt ou te marye, men maryaj sa a fini. … Gen nan nou ki marye men ki pa ka fè pitit. …
“Malgre sa, … nou tout ka kontribye nan dewoulman plan diven an nan chak jenerasyon.“4
Ekriti adisyonèl
Istwa Vivan
Frè Larry M. Gibson, ansyen premye konseye nan prezidans jeneral Jènjan yo, te sonje lè Shirley, ki se madanm li kounyea, te di:
“‘Mwen renmen ou paske mwen konnen ou renmen Senyè a plis pase ou renmen mwen.’ …
Repons sa a te touche kè“m. …
“… [Epi] mwen te vle li toujou santi ke mwen renmen Senyè a plis pase tout lòt bagay.“5
Èldè David A. Bednar nan Kolèj Douz Apot yo te ansenye: “Senyè a, Jezikri, se pwen santral nan relasyon yon maryaj alyans. … [Imajine ke] Sovè a pozisyone nan tèt yon triyang, avèk yon fi nan baz youn nan kwen yo epi yon gason nan baz lòt kwen an. Kounye a reflechi sou sa k rive nan relasyon ant gason ak fi a si yo endividyèlman e konstamman “vin jwenn Kris“ la epi yo efòse yo pou pèfeksyone nan Li’ Mowoni 10:32 Gras ak Redanmtè a epi atravè Li, gason an ak fi a kapab vin pi pwòch ansanm.“6
© 2016 pa Intellectual Reserve, Inc. Tout dwa rezève. Enprime nan Etazini Damerik. Apwobasyon Anglè: 6/15. Apwobasyon tradiksyon: 6/15. Tradiksyon Visiting Teaching Message, February 2016. Haitian Creole 12862 036
Panse sou sa
Kijan m ka efòse m endividyèlman ak konsistans pou m “vin jwenn Jezikri””?