Pweng ke Forfor Luti, Fepweri 2016
Pahyuck Uh Akwucki sin God
Pruhe in lutlutkihn kuhfa inge ac suk in etuh ma in akacsruhi kac. Kahlwemkihnyacn “Sucu: Sie Mwe Fahkwack nuh fin Facluh” ac ahkyohkye ac ahkinsewowoye luhlahlfongi lowos ke God ac ahkinsewowoye elos suc kowos liyacacng ke forfor luti uh fuhkah? Nuh ke kuhtuh pac ma in etuh, som nuh ke reliefsociety.lds.org.
Luhlahlfongi, Sucu, Kahsruh
Mwet Pahluh, mwet sap, ac mwet kol ahkwot na in “ke fahkwack muhtahllacna lah pahyuck inmahsrlon sie mukul ac sie muhtwacn ma ahkkweyeyucklac sin God ac tuh sucu uh pa yohk srihpac ke plwacn luhn Mwet Oraclah sac.”1
Elder D. Todd Christofferson ke U luhn Mwet Sap Singucul Luo uh el fahk: “Sucu uh muhsahiyucklac ke pahyuck luhn mukul se ac muhtwacn se pa use akwuck se ke plwacn luhn God uh in kapwack. …
“… Tiac kuht kuh kuhtwena mwet kuh in ekuhllah akwuck in pahyuck uh.”2
Bonnie L. Oscarson, prestuhn luhlahp luhn Muhtwacn Fuhsr, el fahk: “Mwet nuh kwewa, finne elos lolacp kuh pahyuck kuh pihsen tuhlihk nahtuhlos, kuh na in kahsruh loango plwacn luhn Leum uh ma fwack ke fahkwack ke sucu uh. Fin plwacn uh ma luhn Leum, el ma pac lasr!”3
Elder Christofferson el fahk tahfuh: “Kuhtuh suwos tiac ipeis insewowo luhn pahyuck ke kuhtuh srihpac wi pacna lolacp koflah loh, luhngse luhn ma luhmah oacna, suhkahpahs luhn mahno kuh sifac, kuh sahngwengkihn tahfonglac. … Kuh kom sahp pahyuckyak, tuhsruhk sahflah pahyuck sacn. … Kuhtuh suwos suc pahyuck uh koflah isus fahko. …
“Ne ohinge, … nohfohn na kuh in sang nuh ke ikacklah luhn plwacn wolacna ke kais sie fihl.”4
Ma Suhmuhslah Ituckyang Sahyac
Genesis 2:18–24; 1 Corinthians 11:11; Doctrine and Covenants 49:15–17
Sramsram Moul
Tamuhlwel Larry M. Gibson, el tuh mwet kahsruh se met luhn prestuhnsi luhlahp luhn Mukul Fuhsr, esamwack ke Shirley, ingena el muhtwacn kiyacl lac, el fahk:
“‘Nga luhngse kom ke srihpen nga etuh lah kom luhngse Leum yohk likiyuc na.’ …
“Top sac tukyucwi. …
“… [Ac] Nga ke el in puhlakihn pacl nuh kwewa lah nga luhngse Leum yohk liki ma nuh kwewa sahyac.”5
Elder David A. Bednar ke U luhn Mwet Sap Singucul Luo el luti lah: “Tuh Leum Jisus Kraist pa yohkiyac uh ke olwelah ke pahyuck uh. … [Luhmahlah] Mwet Lahngo pa sifac ke facn [sie] triangle, wi muhtwacn se ke sie sroasrihk uh ac mukul se ke sroasrihk se sahyac ah. Ingena nuhnkuh ma sikyak inmahsrlon mukul se ac muhtwacn se ke elos kais sie ac kais kuhtuh na ‘tuhkuh nuh yurin Kraist’ ac srihke in ahksuwohswohsyeyucklac ke El’ (Moroni 10:32). Ke srihpen ac ke Mwet Lahngo, mukul sac ac muhtwacn sac fototoi nuh sie.”6
© 2016 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/15. Ahkkweyeyucklac ke lweng: 6/15. Lwenglah luhn Visiting Teaching Message, February 2016. Kosraean. 12862 868
Nuhnkuh Ma Inge
Ngwac sifacna ac kalweni in orekma upac fuhkah in “tuhkuh nuh yurin Kraist”?