Mga Ideya sa Family Home Evening

Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka ehemplo.

“Unsaon Pagtukod ang Panaghiusa,” pahina 61: Si Presidente Eyring nagpahinumdom kanato nianang usa ka paagi nga kita makamugna og panaghiusa mao ang pagsulti og maayo sa usag usa. Kamo mahimong magpraktis sa mabination nga pamulong pinaagi sa pag-role play sa mga sitwasyon diin ang mga sakop sa pamilya hangyuon nga mohatag sa ilang opinyon mahitungod sa uban. Mahimo ninyong gamiton ang mga pangutana sama sa “Kumusta ang imong igsoon nga lalaki?” o “Kumusta ang inyong magtutudlo sa Sunday School?” Hisguti ang mga paagi nga kamo makasulti og mas mabination sa usag usa ug mopalambo sa panaghiusa sa pamilya. Mahimo ninyong tapuson ang inyong family home evening pinaagi sa pagkanta sa “Let Us Oft Speak Kind Words” (Mga Himno, nu. 232).

“A True Pearl,” pahina 66: Hunahunaa ang paghimo og usa ka imbentaryo sa talento sa pamilya. Mahimo kamong maglista og mga talento nga napalambo sa mga sakop sa pamilya o gustong ipalambo. Mahimo usab kamong mag-brainstorm og mga ideya alang sa pagpalambo ug sa paggamit niadtong mga talento. Mahimo kamong mangutana, “Kinsa sa atong pamilya, ward o kasilinganan makabenepisyo sa mga talento sa among pamilya?” Hunahunaa ang paghimo og mga plano sa pagpalambo ug sa paggamit sa inyong mga talento sa pagserbisyo sa Langitnong Amahan sama sa gibuhat ni Jetta diha sa istorya.