Mesaj Vizit nan Fwaye, Jen 2016
Òdonans ak Alyans Tanp
Etidye materyèl sa a nan lapriyè epi chèche konnen kisa pou w pataje. Kijan konpreyansyon sou “Fanmi: Yon Pwoklamasyon pou Mond lan“’ kapab ogmante lafwa nou nan Bondye e beni moun n ap veye sou yo atravè vizit nan fwaye yo? Pou plis enfòmasyon, ale nan reliefsociety.lds.org.
Lafwa, Fanmi, Sekou
Tout òdonans ki nesesè pou sali ak egzaltasyon yo akonpaye pa alyans nou fè avèk Bondye. Linda K. Burton, Prezidant Jeneral Sosyete Sekou a di: “Fè alyans ak kenbe alyans vledi nou chwazi pou liye tèt nou avèk Papa nou ki nan Syèl la ak Jezikri.”1
Èldè Neil L. Andersen nan Kolèj Douz Apòt yo di: “Senyè a di: Pouvwa divinite a manifeste … nan òdonans yo.”
“Yo se benediksyon espesyal Bondye bay chak moun diy ki batize, ki resevwa Sentespri a, e ki pran Sentsèn nan regilyèman.”2
Èldè M. Russel Ballard nan Kolèj Douz Apòt yo di: “Lè gason yo ak fi yo ale nan tanp, yo toulède dote avèk menm pouvwa a, ki se pouvwa prètriz la …
“… Tout gason ak tout fi gen aksè nan pouvwa sa a pou ede yo nan lavi yo. Tout moun ki fè alyans sakre avèk Senyè a epi ki onore alyans sa yo elijib pou yo resevwa revelasyon pèsonèl, pou yo gen benediksyon ministè zanj yo, pou yo kominike avèk Bondye, pou yo resevwa plenitid levanjil la, epi finalman, pou yo vin eritye ansanm avèk Jezikri nan tout sa Papa a genyen.”3
Ekriti anplis
Istwa Vivan
Nan 2007, kat jou apre yon gwo tranbleman tè nan Pewou, Èldè Marcus B. Nash nan Swasanndis yo te rankontre prezidan Wenceslao Conde ak madanm li, Pamela. Èldè Nash te mande Sè Conde kijan ti pitit li yo te ye. Avèk yon souri, li te reponn gras ak Bondye, yo tout te byen e an sekirite. Li te mande kijan kay Conde yo te ye.
Sè Conde te reponn senpleman: “Kay la ale.”
Èldè Nash di: “… ‘Epi, w ap souri pandan w ap di sa a.”
Li te reponn: “Wi, Mwen te priye epi mwen anpè. Nou gen tout sa nou bezwen. Nou youn gen lòt, nou gen pitit nou yo, nou te sele nan tanp, nou gen Legliz mèveye sa a, epi nou gen Senyè a. Nou ka bati ankò, avèk èd Senyè a.’” …
“Kisa ki genyen nan fè ak kenbe alyans avèk Bondye ki ba nou pouvwa pou nou souri atravè eprèv yo, pou nou fè tribilasyon vin tounen triyonf konsa … ?”
“Sous la se Bondye. Aksè nou nan pouvwa sa a se atravè alyans nou fè avèk Li yo.”4
© 2016 pa Intellectual Reserve, Inc. Tout dwa rezève. Enprime nan Etazini Damerik. Apwobasyon anglè: 6/15. Apwobasyon tradiksyon: 6/15. Tradiksyon Visiting Teaching Message, June 2016. Haitian Creole. 12866 036
Konsidere Sa a
Kijan òdonans ak alyans tanp yo fòtifye nou ak ranfòse nou?