Jèn yo

Ankre nan Lafwa

Prezidan Monson rakonte istwa yon fanmi ki te pyonye, epi l te site Prezidan George Albert Smith: “Èske nou pral viv ankre nan lafwa zansèt nou yo? … Fè efò pou n rete diy pou tout sakrifis [yo] te fè pou nou yo.” Keseswa ou gen yon zansèt ki te pyonye oubyen ou se premye jenerasyon manm nan Legliz la, èske ou gade sou egzanp lafwa yo pou direksyon ak fòs? Men yon bon fason ou kapab kòmanse:

1. Fè yon lis non moun ou admire. Yo gen dwa manm fanmi pa ou (pase oubyen prezan), zanmi, dirijan Legliz, oubyen moun ki nan ekriti yo.

2. Ekri kalite yo genyen ke ou renmen. Èske manman ou reyèlman gen pasyans? Petèt zanmi w la janti avèk lòt moun. Petèt ou renmen kouraj Kapitèn Mowoni.

3. Pran yon kalite nan lis ou a epi mande tèt ou, “kouman m ka fè pou m gen kalite sa a? Kisa m dwe fè pou m devlope bagay sa a nan lavi m?

4. Ekri plan ou pou ou devlope kalite sa a, epi mete l yon kote ou kapab wè l souvan, pou raple ou objektif ou. Priye pou w jwenn èd Papa nou ki nan syèl la, epi cheke pwogrè ou regilyèman. Yon fwa ou santi w fin devlope kalite sa a ase, ou ka chwazi yon nouvo kalite pou w devlope ankò.

Sonje, lè nou devlope gran kalite nan noumenm, non sèlman nou onore lafwa zansèt nou yo ak sakrifis yo te fè yo, men nou ka yon bon enfliyans pou lòt moun bòkote nou tou.