Mesaj vizit nan fwaye, Jiyè 2016
Potansyalite nou pou nou vin paran
Etidye materyèl sa a nan lapriyè epi chèche konnen kisa pou w pataje. Kijan konpreyansyon sou “Fanmi: Yon Pwoklamasyon pou Mond lan“ ka ogmante lafwa nou nan Bondye epi beni moun n ap veye sou yo atravè vizit nan fwaye yo? Pou plis enfòmasyon, ale nan reliefsociety.lds.org.
Lafwa, Fanmi, Sekou
Eldè Dallin–H. Oaks nan Kolèj Douz Apot yo te anseye, “Li te esansyèl pou pitit lespri Bondye yo gen nesans nan mòtalite ak opòtinite pou yo pwogrese al nan lavi etènèl.” “Atravè objektif final gran plan bonè a, mwen kwè ke pi gwo trezò sou latè a ak nan syèl la se pitit nou ak posterite nou.”1
Eldè Neil L. Anderson nan Kolèj Douz Apot yo te di:
“Nou kwè nan fanmi, epi nou kwè nan pitit. …
“… Bondye te di [Adan ak Ev,] Se pou nou fè pitit, pou nou miltipliye, epi ranpli tè a” [Jenèz 1:28] …
“Nou pa bliye kòmandman sa a, ni mete l sou kote nan Legliz Jezikri pou Sen Dènye-Jou yo.”2
Malgre nout tout pa ka vin paran nan lavi sa a, nou ka pran swen timoun tout laj. Nou jwi benediksyon ki se fè pati fanmi Papa ki nan syèl la, epi nou ka fè eksperyans lajwa ak difikilte ki genyen nan fè pati yon fanmi sou tè a. Epi,anpil moun ap vin paran nan letènite kap vini yo.
Ekriti adisyonèl
Istwa Vrè
Eldè Anderson te di: “Anpil vwa nan mond la jodia ap diminye enpòtans pou moun fè pitit, oubyen sijere pou yo tann, oubyen limite kantite pitit nan yon fanmi.” “Pitit fi m yo te pale m de yon blòg yon manman ki se kretyen (ki pa manm Legliz nou an) ki gen senk pitit te ekri. Li te ekri: ‘“Pandan n ap grandi] nan kilti sa a, li difisil anpil pou n jwenn pèspektif biblik sou matènite. … Yo mete fè pitit nan nivo apre kolèj. Piba pase vwayaje se sèten. Piba pase sòti al pran plezi ou lèswa. Piba pase kenbe liy ou nan fè ekzesis. Piba pase nenpòt anplwa ou ta ka jwenn oubyen espere jwenn.’ Apresa li ajoute: “Matènite se pa pastan, se yon apèl. Nou pa koleksyone timoun paske nou wè yo pi bèl pase tenb postal. Se pa yon bagay pou nou fè paske nou ka jwenn yon ti tan pou antre l nan pwogram nou. Se pou sa Bondye ba nou tan.”3
© 2016 pa Intellectual Reserve, Inc. Tout dwa rezève. Enprime nan Etazini Damerik. Apwobasyon anglè: 6/16. Apwobasyon tradiksyon: 6/16. Tradiksyon Visiting Teaching Message, July 2016. Haitian Creole 12867 036
Konsidere Sa
Nan ki fason fanmi terès nou an sanble avèk fanmi selès nou an?